मुंबई (महाराष्ट्र संवाद न्यूज)
तब्बल महिनाभराच्या प्रतीक्षेनंतर संगमनेरला नवे तहसीलदार मिळाले आहे महिनाभरापूर्वी 12 एप्रिलला बदलून गेलेल्या तहसीलदार अमोल निकम यांच्या जागेवर अमरावती विभागातून धीरज मांजरे बदलून आले आहे. याशिवाय शिर्डीच्या साईबाबा संस्थान मध्ये प्रशासन अधिकारी म्हणून श्रीमती प्रज्ञा भास्कर महांडुळे यांची प्रतिनियुक्तीवर बदली करण्यात आली आहे.
गेल्या महिनाभरापासून संगमनेरला नवीन तहसीलदारांच्या नियुक्तीची प्रतीक्षा होती. तहसीलदार अमोल निकम यांची नाशिकला बदली झाल्यापासून संगमनेरचे पद रिक्त होते. या पदावर शासनाकडून कोणाची वर्णी लागते याची उत्सुकता होती. सोमवारी 8 मे रोजी राज्य शासनाने नासिक, अमरावती, पुणे, औरंगाबाद विभागातील तहसीलदारांच्या शासनाने केल्या बदल्या आहेत.
अमरावती विभागामध्ये कारंजा येथे तहसीलदार म्हणून नियुक्ती असलेले धीरज मांजरे गेल्या काही दिवसांपासून नव्या नियुक्तीच्या प्रतीक्षेत होते. सोमवारी निघालेल्या आदेशामध्ये त्यांना संगमनेरला नियुक्ती देण्यात आली आहे. मांजरे यांना येत्या 11 मे पर्यंत संगमनेरचा पदभार घेण्याचे सूचित करण्यात आले आहे. विशेष म्हणजे चार दिवसांपूर्वी राज्य सरकारने उपजिल्हाधिकारी संवर्गातील अधिकाऱ्यांच्या बदल्या केल्या होत्या. या बदल्यांमध्ये संगमनेरचे प्रांताधिकारी डॉ. शशिकांत मंगरूळे यांची देखील बदली करण्यात आली त्यांना नव्या निवृत्तीचे ठिकाण देण्यात आले नसले तरी त्यांच्या जागेवर वाशिम येथे निवासी उपजिल्हाधिकारी पदावर कार्यरत असलेल्या शैलेंद्र हिंगे यांची नियुक्ती करण्यात आली होती.
मोठ्या प्रमाणात नद्यांचे साम्राज्य असलेल्या आणि वाळू तस्करीमध्ये अग्रेसर असलेल्या संगमनेर तालुक्यातील वाळू तस्करी गेल्या काही महिन्यांपासून चर्चेत आहे. तसेच या तालुक्यातील गौण खनिजाचा विषय महसूलमंत्र्यांच्या रडारवर असल्याने शिवाय महसूल मंत्री राधाकृष्ण विखे पाटील यांच्या मतदारसंघातील आश्वी भाग संगमनेर तालुक्यात येत असून आजी-माजी महसूलमंत्र्यांच्या मतदारसंघात प्रांताधिकारी हिंगे व तहसीलदार मांजरे यांची जोडी कितपत प्रभावी ठरते, हे येत्या काळात स्पष्ट होईल.
यांच्या झाल्या बदल्या…
