महाराष्ट्र संवाद न्यूज
नवी दिल्ली : केंद्रीय मंत्री नितीन गडकरी यांना दिलेल्या धमकी प्रकरणी आरोपीकडून धक्कादायक माहिती समोर आली आहे. आरोपी जयेश पुजारी उर्फ शाकीर याचे जम्मू काश्मीरमधील कुख्यात दहशतवादी बशिरुद्दीन नूर अहमद उर्फ अफसर पाशा सोबत होते, असं एनआयएच्या तपासात निष्पन्न झालं.
केंद्रीय मंत्री नितीन गडकरी यांच्या नागपुरातील कार्यालयात जयेश पुजारीने उर्फ शाकीरने जानेवारी आणि मार्च महिन्यात दोन वेळा गडकरींना धमकी दिली होती. या धमकी प्रकरणी नागपूर पोलिसांनी यापूर्वीच जयेश पुजारी याच्या विरोधात यूएपीए अंतर्गत दोन गुन्हे दाखल करण्यात आलेले आहे.
आता त्याच गुन्ह्यांमध्ये बशुरुद्दीन नूर अहमद उर्फ अफसर पाशाला सहआरोपी बनवण्यात आले आहे. सध्या बशिरुद्दीन नूर अहमद उर्फ अफसर पाशा बेळगावच्या हिंदलगा तुरुंगात कैदेत ठेवले आहे. त्याला लवकरच नागपुरात आणले जाणार आहे.
बशिरुद्दीन नूर अहमद उर्फ अफसर पाशा हा २०१२ मध्ये जम्मू काश्मीरमध्ये लष्कर ए तोयबासाठीच्या दहशतवाद्यांच्या भरती प्रकरणातील दोष सिद्ध आरोपी आहे. तसंच बशिरुद्दीन नूर अहमद उर्फ अफसर पाशा हा बेंगलुरु बॉम्ब ब्लास्टमधील दोषी आहे. शिवाय तो ईडीच्या पीएलएमए कायद्यातंर्गतही मनी लॉन्ड्रिंग प्रकरणी दोष सिद्ध आरोपी आहे.
जयेश पुजारीचे बशुरुद्दीन नूर अहमद उर्फ अफसर पाशा या कुख्यात दहशतवाद्यासोबतच्या संपर्काचे काही ठोस पुरावे नागपूर पोलिसांना मिळाले आहेत.
धमकी मागील कारण आले समोर…
एनआयएच्या अधिकाऱ्यांनी जयेश पुजारी उर्फ शाकीर याला गडकरीना धमकी देण्याचं कारण विचारले असता जयेश पुजारीने चौकशीदरम्यान जर, ‘पीएफआय’वर बंदी येऊ शकते, तर ‘आरएसएस’वर बंदी का नको? गडकरी हे संघाच्या फार जवळचे म्हणून त्यांना धमकी दिली असल्याचे सांगितले आहे.
