महाराष्ट्र संवाद न्यूज
मानाच्या पहिल्या श्री सोमेश्वर मित्र मंडळाच्या श्री गणेशाची आमदार बाळासाहेब थोरात यांच्या हस्ते पूजा आणि आरती करून संगमनेरच्या विसर्जन मिरवणुकीला सुरुवात झाली.
यावेळी आमदार सत्यजित तांबे, माजी आमदार डॉ. सुधीर तांबे, माजी नगराध्यक्ष दुर्गाताई तांबे, पोलीस उपअधीक्षक सोमनाथ वाघचौरे, तहसीलदार धीरज मांजरे, प्रांताधिकारी शैलेंद्र हिंगे, पोलीस निरीक्षक भगवान मथुरे, मनीष मालपाणी, सोमेश्वर मंडळाचे किशोर पवार यांच्यासह पदाधिकारी कार्यकर्ते आणि नागरिक उपस्थित होते.
धार्मिक विद्वेष आणि अशांतता बाजूला ठेवून लोकनेते बाळासाहेब थोरात यांच्या नेतृत्वाखाली विसर्जनाच्या दिवशी सकाळी आठ वाजता गणरायाची पूजा करून मिरवणुकीला प्रारंभ होतो. ज्येष्ठ नेते बाळासाहेब थोरात यांनीही गेले 21 वर्ष विसर्जन मिरवणुकीला उपस्थित राहण्याची परंपरा सातत्याने जपली. सोमेश्वर मंडळाच्या गणेशोत्सवाला 128 वर्षांची प्रदीर्घ परंपरा असून दिवसेंदिवस वाढत जाणारा आनंद आणि उत्साह. धार्मिक ऐक्य, गुलालाऐवजी फुलांची उधळण करत मिरवणूक मुख्यमार्गाकडे ढोल ताशांच्या गजरात, पारंपारिक खेळांची प्रात्यक्षिके करीत सुरू झाली.
या मिरवणुकीबरोबरच शहरातल्या मुख्य मिरवणुकीला सुरुवात होणार आहे. रंगार गल्ली, चंद्रशेखर चौक, नेहरू चौक, तेलीखुंट, सय्यद बाबा चौक, गवंडीपुरा, मेन रोड, चावडी, माळीवाडा, नगरपालिका मार्गे ही शहराची भव्य दिव्य मिरवणूक मार्गस्थ होणार आहे. विसर्जन मिरवणूक शांततेत आणि आनंदात पार पडावी यासाठी पोलीस प्रशासनाने खबरदारी घेतली असून विविध उपाय योजना करण्यात आलेल्या आहेत.
ऐतिहासिक ठरणाऱ्या विसर्जन मिरवणुकीतील ऐतिहासिक क्षण… बघा छायाचित्रे…
(सर्व छायाचित्र काशिनाथ गोसावी)
