दीपावली नरक चतुर्दशी, आजच्या दिवसाचे राशिभविष्य 
मेष – कुटुंब परिवारातील मुला-मुलींच्या संदर्भात एखादी चांगली घटना घडल्यामुळे मानसिक उत्साह वाढेल कौटुंबिक वातावरण आनंदी राहील. एखादा जवळचा प्रवास सहकुटुंब सहपरिवार करू शकाल.
वृषभ – व्यवसाय धंद्यातील उलाढाल वाढून नफ्याच्या प्रमाणात वाढ होईल. काही नवीन व्यावसायिक संधी उपलब्ध होतील. सार्वजनिक तसेच सामाजिक कार्यामध्ये रस घेऊन सक्रिय योगदान द्याल.
मिथुन – आपल्या रोजच्या जीवनातील दैनंदिन कामे जिद्द व चिकाटीने पूर्ण कराल. जमिनी विषयक किंवा स्थावर मालमत्तेच्या विषयक असलेले व्यवहार गतिशील होतील. आर्थिक लाभ होण्याची शक्यता.
कर्क – आजचा दिवस अनुकूल जाईल. महत्त्वाची कामे अथवा गाठीभेटी उरकून घ्या. वैवाहिक जीवनात मात्र मतभेदांची शक्यता असल्यामुळे वादग्रस्त बाबींवर विशेष लक्ष केंद्रित करू नका.
सिंह – कर्जाची आवश्यकता भासल्यास अथवा आर्थिक मदतीची गरज भासल्यास कर्जे मंजूर होऊ शकतात. थोरामोठ्यांचे सहकार्य लाभेल. कुटुंबातील सदस्यांचे वाढते सहकार्य लाभल्यामुळे समाधानी राहाल.
कन्या – आपल्या आजूबाजूला एखादी महत्त्वाची घटना घडल्यामुळे तुमच्या वैचारिक जीवनात अनुकूल परिवर्तनाची शक्यता आहे. पण हा बदल सकारात्मक ठरवू शकतो. जोडीदाराच्या मताला प्राधान्य देणे हितकारक.
तुळ – स्वतःचे काम स्वतः करा. कोणाच्याहीवरती जबाबदारी देऊ नका अथवा इतरांचे सहकार्य अपेक्षित ठेवू नका. कोणालाही गृहीत धरू नका. आर्थिक व्यवहारात सतर्क राहण्याची आवश्यकता.
वृश्चिक – मित्रांचे सहकार्य लाभेल. व्यवसाय धंद्यातील उधारी उसनवारी वसूल झाल्यामुळे आर्थिक परिस्थिती सुधारेल. आपली देणी आपण चुकती करू शकाल. कुटुंबातील खर्च वाढण्याची शक्यता.
धनु – आपल्या इच्छेविरुद्ध प्रवास करावा लागण्याची शक्यता. प्रवासामध्ये आपल्या वस्तू तसेच महत्त्वाची कागदपत्रे जपून ठेवा. तसेच वाहनाच्या वेगावर नियंत्रण ठेवणे आवश्यक राहील.
मकर – अनपेक्षित धनलाभ झाल्यामुळे मनसोक्त खर्च करावा. परंतु आपण चुकीच्या गोष्टींसाठी अथवा व्यक्तींसाठी खर्च करत नाही ना याचा विचार आवश्यक ठरेल. कुटुंबासाठी नवीन खरेदी करू शकाल.
कुंभ – कामाची व्याप्ती वाढल्यामुळे धावपळ व दगदग होईल. कामावर लक्ष केंद्रित करा गोंधळून जाऊ नका. इतरांचे सहकार्यावर अवलंबून राहू नका. व्यवसाय, धंद्यात एखादी नवीन संधी मिळेल.
मीन – रखडलेली शासकीय कामे पूर्ण करण्यात यश मिळेल. अपेक्षित पत्रव्यवहार पूर्ण होतील महत्त्वाच्या व्यक्तींच्या गाठीभेटी घेऊ शकाल. आपले म्हणणे थोडक्यात पण स्पष्टपणे इतरांसमोर सादर करणे महत्त्वाचे.
