संगमनेर, दि. १९ मार्च – प्रतिनिधी
बुधवार संगमनेरकरांसाठी दुर्घटनावर ठरला आहे. शहरालगतच्या कासारवाडी शिवारातील मालपाणी हेल्थ क्लबच्या मालपाणी पॅलेसमध्ये लग्न समारंभासाठी तयार करण्यात आलेल्या स्टेजला आग लागून एक जण या आगीत गंभीर जखमी झाल्याच्या प्रकार घडला असताना शिवजयंतीसाठी महायुतीने बस स्थानकासमोर उभारलेली कमान कोसळली आहे. सुदैवाने या दुर्घटनेत कोणालाही इजा झाली नाही.
जागेवरून झालेल्या दोन गटातील वादानंतर सोमवारी संगमनेर मध्ये भव्य दिव्य शिवजयंती साजरी झाली. मोठ्या संघर्षानंतर दोन्ही गटांना प्रशासनाने दोन ठिकाणी परवानगी दिली होती. महायुतीने परवानगी दिलेल्या जागेवर किल्ला तर शिवजयंती उत्सव समिती स्वाभिमानी संगमनेर शहर तालुका यांनी छत्रपती शिवाजी महाराजांच्या मंदिराचा देखावा उभारला होता.
शिवजयंती झाल्यानंतर हे देखावे काढण्याचे काम सुरू होते. तर दुसरीकडे महामार्गावर लावण्यात आलेल्या कमानी अद्यापही कायम होत्या. महायुतीच्या वतीने लावण्यात आलेली काश्मीर हॉटेल समोरील कमान वाहनाचा धक्का लागल्याने कोसळल्याचे सांगितले जाते. सुदैवाने यामध्ये कोणालाही इजा झाली नाही.
कमान कोसळली त्या ठिकाणी पुन्हा एकदा रस्त्यावर व्यवसाय करणाऱ्या व्यावसायिकांनी अतिक्रमण केले आहे. काही दिवसांपूर्वी आमदार अमोल खताळ यांच्या पुढाकारातून हे अतिक्रमण हटविले गेले होते मात्र पुन्हा येथे अतिक्रमण झाले आहे. या व्यवसायिकांजवळच ही कमान उभारण्यात आली आहे. सुदैवाने कोणालाही इजा झाली नसल्याची माहिती समोर येत आहे.
दरम्यान महामार्गावर कमान उभारताना सुरक्षा नियमांची कोणतीही काळजी घेतली नसल्याचे आपण समोर आले आहे. त्यामुळे रस्त्यावर लावले जाणारे फ्लेक्स आणि कमानी पुन्हा एकदा वादाचा विषय ठरण्याची चिन्हे निर्माण झाले आहे.
