हिवरगाव पावसा टोल नाक्यावर अव्यावसायिक वाहनांसाठी वार्षिक पास सवलत सुरु

महाराष्ट्र संवाद न्यूज ऑनलाईन 

अहिल्यानगर, दि. २६ – अव्यावसायिक कार, जीप व व्हॅन वाहनांसाठी १५ ऑगस्ट २०२५ पासून वार्षिक टोल (फास्टॅग) पास सेवा सुरु झाली आहे. हा पास राजमार्ग मोबाईल ॲप किंवा भारतीय राष्ट्रीय राजमार्ग प्राधिकरणाच्या अधिकृत संकेतस्थळावरून मिळवता येईल, असे पुणे येथील प्रकल्प संचालक एस. एस. कदम यांनी कळविले.

वार्षिक टोल पासची किंमत ३ हजार रुपये असून त्याची वैधता एक वर्ष किंवा २०० एकेरी फेऱ्या, यापैकी जे आधी पूर्ण होईल तेवढीच राहील.

हा पास केवळ राष्ट्रीय महामार्ग व द्रुतगती महामार्गांवरील टोल प्लाझांसाठी वैध असेल. अहिल्यानगर जिल्ह्यातील हिवरगाव पावसा टोल प्लाझावरही तो लागू राहील. अधिक माहितीसाठी १०३३ या हेल्पलाइन क्रमांकावर संपर्क साधावा, असेही कळविण्यात आले आहे.