संगमनेर –
दरवर्षीप्रमाणे यंदाही मेनरोड शिवसेना शाखा क्र. ११ च्या वतीने गणेशोत्सव २०२५ च्या निमित्ताने भव्य गणेश उत्सव गौरव सोहळ्याचे आयोजन करण्यात आले आहे. यावर्षी, संगमनेर शहरातील सर्व गणेश मंडळांचे स्वागत आणि गौरव करण्यात येणार आहे.
उद्योगपती ओंकारनाथजी व माधवलालजी मालपाणी यांच्या स्मरणार्थ हा स्वागत सत्कार आणि पारितोषिक वितरण सोहळा गणेश विसर्जन मिरवणुकीत आयोजित करण्यात आला आहे. यावेळी मानाचे गणपती मंडळ तसेच इतर सर्व मंडळांना त्यांच्या उत्कृष्ट देखावे, भव्य मूर्ती आणि शिस्तबद्ध मिरवणुकीसाठी सन्मानित केले जाईल.
या सोहळ्यात अनेक आकर्षक पारितोषिके दिली जाणार आहेत. यामध्ये, उत्कृष्ट मूर्ती, भव्य मूर्ती, उत्कृष्ट देखावा, भव्य देखावा, भव्य लायटिंग आणि भव्य मिरवणूक यांसाठी मंडळांना विशेष गौरवण्यात येईल. याव्यतिरिक्त, समाज प्रबोधनपर देखावे, धार्मिक देखावे आणि सामाजिक, राजकीय, आर्थिक, आध्यात्मिक तसेच प्रशासकीय विषयांवर जनजागृती करणारे देखावे सादर करणाऱ्या मंडळांनाही सन्मानित केले जाईल.
या कार्यक्रमात केवळ गणेश मंडळांनाच नव्हे, तर समाजातील विविध क्षेत्रांत मोलाचे योगदान देणाऱ्या व्यक्तींचाही सत्कार केला जाईल. यामध्ये पारंपरिक वाद्य वाजवणारे कलाकार, ढोल-ताशे, हलगी-ताशे वाजवणारे कारागीर, लाठ्या-काठ्या व दांडपट्टा फिरवणारे कलाकार, गायक, समाजसेवक, मूर्तिकार, लेखक, व्यंगचित्रकार आणि पत्रकार यांचा सन्मानचिन्ह देऊन गौरव करण्यात येणार आहे.
हा सोहळा यशस्वी करण्यासाठी मेनरोड शिवसेना शाखा क्र. ११ चे सदस्य प्रयत्न करत आहेत. यामध्ये माजी नगरसेवक कैलास वाकचौरे, बाळासाहेब डावखरे, भैय्या तांबोळी, दत्ता भांदुर्गे, अमित पवार, गोटूशेठ अट्टल, कृष्णा केसेकर, संजय वलवाणी, सचिन बांगर, महादेव शिंदे, रमेश सस्कर, शशिकांत घोलप, दत्ताराज कोळपकर, इसाक रंगरेज, विजू नाना बापटे, संदीप मोरे, नारायण वाकचौरे, महेश आळने, सुनील देशमुख, सुनील वालझाडे, समीर ओझा, सुनील गायकवाड, प्रसाद बांगर आणि प्रल्हाद आल्हाट यांचा समावेश आहे.
