सुमारे एका महिन्यापूर्वी संगमनेर जवळील समनापूर बायपास चौफुली येथे दोन गटात किरकोळ कारणावरून वाद झाला होता. या वादाचे रूपांतर मोठ्या संघर्षात होऊन परिसरात प्रचंड तणाव निर्माण झाला होता. हल्लेखोरांनी फिर्यादीवर चाकूने तब्बल ७ वार केले होते. या जीवघेण्या हल्ल्याची गांभीर्याने दखल घेत पोलिसांनी आरोपींविरुद्ध भारतीय न्याय संहिता (BNS) च्या कलम १०९ (खुनाचा प्रयत्न) अंतर्गत गुन्हा दाखल केला होता. या प्रकरणातील काही आरोपींना आधी अटकपूर्व जामीन मिळाला होता, मात्र मुख्य आरोपी फरार होते.
दरम्यान, मुख्य आरोपी अरबाज हा पुण्यात लपून बसल्याची खात्रीलायक माहिती पोलिसांना मिळाली. तो पुण्यातील खराडी परिसरात एका रूममध्ये ‘पेइंग गेस्ट’ म्हणून राहत होता.
