महाराष्ट्र संवाद न्यूज ऑनलाईन – शेतीपंपासाठी नवीन विजेचा पोल उभा करण्यासाठी प्रत्येकी एक हजार रुपयांप्रमाणे एकूण सहा हजार रुपयांची लाच मागणारा महावितरणचा वरिष्ठ तंत्रज्ञ लाचलुचपत प्रतिबंधक विभागाच्या (एसीबी) जाळ्यात अडकला आहे.
बापूसाहेब ठकाजी वीरकर (वय ४०, रा. वाघोळी, ता. शेवगाव) असे या आरोपीचे नाव आहे. तपासात आरोपीने लाच मागितल्याचे निष्पन्न झाल्यानंतर शेवगाव पोलिस ठाण्यात गुन्हा दाखल करण्याची प्रक्रिया सुरू होती.
तपासानंतर समोर आलेली माहिती अशी की, तक्रारदाराच्या शेतात नवीन पोल उभा करण्यासाठी परिसरातील शेतकऱ्यांकडे प्रत्येकी १ हजार रुपयाप्रमाणे ६ हजार रुपयांची लाचेची मागणी करण्यात आली होती. याप्रकरणी तक्रारदाराने लाचलुचपत प्रतिबंधक विभागाकडे धाव घेतल्यानंतर, ८ ऑक्टोबर रोजी करण्यात आलेल्या पडताळणीमध्ये लाचेची मागणी केल्याचे निष्पन्न झाले.
