महाराष्ट्र संवाद न्यूज नेटवर्क
संगणकाच्या माध्यमातून शैक्षणिक क्षेत्रात मोठे योगदान देणाऱ्या रोटरी क्लबने संगमनेर-अकोले तालुक्यातील वाड्या वस्त्यांवर, दुर्गम भागात शिकणाऱ्या विद्यार्थ्यांना शैक्षणिक संधी उपलब्ध व्हाव्या यासाठी, ३७ शाळांमध्ये शिकणाऱ्या दोन हजार विद्यार्थ्यांसाठी ६६५ शैक्षणिक टॅब वितरित केले.
रोटरी क्लब तैवान आणि रोटरी क्लब पुणे यांच्या माध्यमातून हा प्रकल्प राबविला गेला आहे. टॅब वितरण व शिक्षकांसाठी प्रशिक्षण कार्यक्रम नुकताच मालपाणी लॉन्स येथे झाला. यावेळी प्रमुख पाहुणे म्हणून पुणे नॉर्थ क्लबचे अध्यक्ष गिरीश कोणकर, केतन जोशी, पीडीजी ओमप्रकाश मोतीपवळे, एजी गौरव भुजबळ यांच्यासह संगमनेर रोटरीचे अध्यक्ष ऋषिकेश मोंढे, सचिव आनंद हासे, रोटरी क्लब अकोलेचे अध्यक्ष डॉ. रविंद्र डावरे, प्रकल्प प्रमुख दिलीप मालपाणी, सुनिल घुले, योगेश गाडे, पवनकुमार वर्मा आदींसह शाळांचे शिक्षण व लाभार्थी विद्यार्थी उपस्थित होते. 
रो. गिरीष कोणकर यांनी टॅब प्रकल्पामागची पार्श्वभूमी, हा प्रकल्प कसा सुरु झाला व राबविला गेला याची माहिती दिली. तसेच शिक्षकांनी टॅब वापरण्याविषयी तसेच टॅबचा जास्तीत जास्त वापर कसा केला जावा, याविषयी मार्गदर्शन केले.
यावेळी डिस्ट्रीक्ट ३१३२ मध्ये दिलीप मालपाणी यांनी वर्षभर केलेल्या उत्कृष्ट कामाबद्दल त्यांना मिळालेल्या सर्वोत्कृष्ट एजी पुरस्काराबद्दल त्यांचा सन्मान करण्यात आला. 
ऋषिकेश मोंढे म्हणाले, ग्रामीण भागातील विद्यार्थी व शिक्षक यांना टॅबसारख्या आधुनिक उपकरणांमुळे शिक्षणाची अधिक गोडी निर्माण होण्यास मदत होणार आहे.
कार्यक्रमाचे सुत्रसंचलन अजित काकडे, संजय कर्पे, डॉ. किशोर पोखरकर यांनी केले, तर आभार अमित पवार यांनी मानले. प्रकल्प यशस्वीततेसाठी महेश वाकचौरे, दिपक मणियार, रविंद्र पवार, विश्वनाथ मालाणी, मोहित मंडलिक, महेश ढोले, संकेत काजळे, मयुर मेहता, डॉ. सागर गोपाळे, अण्णासाहेब थोरात व सर्व रोटरी सदस्यांनी मेहनत घेतली.
अतिशय दर्जेदार व संपूर्ण शालेय अभ्यासक्रम असलेले टॅबमुळे जिल्हा परिषद शाळांना, विशेषतः द्विशिक्षकी शाळांना ह्या टॅबद्वारे मुलांना अतिशय सोप्या पद्धतीने गुणवत्तापुर्ण शिक्षण मिळेल. टॅब हाताळण्याचा सरावामुळे त्यांचा आत्मविश्वास आणि आकलन शक्ती, विषय ज्ञान निश्चितच वाढेल. हे विद्यार्थी जगाच्या कोपऱ्यात जरी असेल, तरी ते जगाबरोबर निश्चितच राहतील आणि असा विश्वास आहे. गटशिक्षणाधिकारी सुवर्णा फटांगरे
