महाराष्ट्र संवाद न्यूज नेटवर्क
लोकशाहीर विठ्ठल उमप लोककला थिएटरमार्फत दिले जाणारे लोककला प्रबोधन पुरस्कार २०२२ जाहीर करण्यात आले आहे. ज्येष्ठ साहित्यिक रंगनाथ पठारे (संगमनेर), लोकसत्ताचे ज्येष्ठ पत्रकार मधु कांबळे, नाट्य सिने अभिनेते मिलींद शिंदे आणि पार्श्वगायक चंदन कांबळे यांचा पुरस्कारार्थीमध्ये समावेश आहे.
रविवारी (ता. २७) मुंबईच्या परळमधील दामोदर हॉलमध्ये राज्याचे मुख्यमंत्री एकनाथ शिंदे, महसूल मंत्री राधाकृष्ण विखे पाटील, शिक्षण मंत्री दिपक केसरकर, उद्योगमंत्री उदय सामंत, भारतीय जनता पक्षाचे आमदार व गटनेते प्रविण दरेकर यांच्या उपस्थितीत या पुरस्कारांचे वितरण केले जाणार असल्याची माहिती लोकशाहिर विठ्ठल उमप लोककला थिएटरचे अध्यक्ष संदेश उमप, मंगेश वडांगळे यांनी दिली.
मुळचे संगमनेरकर असलेल्या लोकशाही विठ्ठल उमप यांचे कला क्षेत्रात मोठे योगदान राहीले आहे. त्यांच्या स्मृतीदिनाचे औचित्य साधून या पुरस्कारांचे वितरण करण्यात येते. यावर्षी बाराव्या स्मृतीदिनी साहित्यिक रंगनाथ पठारे, पत्रकार मधु कांबळे, अभिनेते मिलींद शिंदे, पार्श्वगायक चंदन कांबळे यांना हे पुरस्कार देवून गौरविण्यात येणार आहे. पुरस्कार वितरण सोहळ्या दरम्यान शहनाई / क्लारनेट सुरेल वाद्याची सुरेल मैफिल हा कार्यक्रम होणार असून उमेश चिपकर हे क्लानेट तर योगेश मोरे शहनई वादनाने रसिकांना मंत्रमुग्ध करतील. याशिवाय लोकशाहीर विठ्ठल उमप यांनी लिहलेल्या व गायलेल्या अजरामर गीतांचा कार्यक्रम सादर केला जाणार आहे.
