महाराष्ट्र संवाद न्यूज नेटवर्क
राज्याचे माजी मंत्री आमदार बाळासाहेब थोरात यांच्या अधिपत्याखाली आणि राज्यात प्रथम क्रमांकावर असलेल्या संगमनेर शेतकी संघाच्या अध्यक्षपदी संपतराव विष्णू डोंगरे यांची तर उपाध्यक्षपदी सुनील कडलग यांची निवड झाली.
संघाच्या अतिथीगृहामध्ये अध्यक्ष, उपाध्यक्ष निवडीसाठी निवडणूक निर्णय अधिकारी योगेश कापसे यांच्या देखरेखीखाली व आमदार बाळासाहेब थोरात, नगराध्यक्ष दुर्गाताई तांबे यांच्या उपस्थितीत बैठक झाली. या बैठकीत सर्वानुमते या निवडी करण्यात आल्या.
अध्यक्षपदासाठी डोंगरे यांच्या नांवाची सूचना दिलीप वर्पे यांनी मांडली. शिवाजी दिघे यांनी अनुमोदन दिले तर उपाध्यक्षपदासाठी कडलग यांच्या नांवाची सूचना सचिन दिघे यांनी मांडली. त्यास तुकाराम कोठवळ यांनी अनुमोदन दिले. यावेळी संचालक साहेबराव बारवे, दिलीप वर्पे, बाळकृष्ण होडगर, अड. ज्ञानेश्वर सांगळे, किरण नवले, भाऊसाहेब नवले, संतोष नागरे, शिवाजी दिघे, तुकाराम कोठवळ, सचिन दिघे, प्रभाकर सोनवणे, महादू खेमनर, संजय क्षीरसागर, मंगल ठाकरे, प्रभावती ढोकरे, व्यवस्थापक अनिल थोरात, जिल्हा परिषद सदस्य रामहरी कातोरे, निखील पापडेजा, कार्यालय अधीक्षक बी. एन. काळे आदी उपस्थित होते.
सहकार महर्षी भाऊसाहेब थोरात यांच्या पश्चात त्यांच्या आदर्श तत्वावर, कॉग्रेसचे विधीमंडळ पक्षनेते आमदार बाळासाहेब थोरात यांच्या अधिपत्याखाली शेतकी संघाने गौरवास्पद वाटचाल केली आहे. या शेतकी संघाचा कारभार राज्यातील शेतकी संघासाठी अनुकरणीय ठरला आहे. राज्यातील अनेक शेतकी संघ आज मोडकळीस आले असतांना संगमनेरचा संघ मात्र काटकसर, पारदर्शकता, आधुनिकता, शिस्तबध्दता यामुळे प्रथम क्रमांकावर आहे. शेतकी संघाच्या संचालक मंडळाची निवडणूकदेखील बिनविरोध पार पडली असून त्यापाठोपाठ अध्यक्ष, उपाध्यक्ष निवडीदेखील बिनविरोध झाल्या आहे.
नुतन पदाधिकाऱ्यांचा आमदार बाळासाहेब थोरात, आमदार डॉ. सुधीर तांबे, ज्येष्ठ नेते बाजीराव खेमनर, दुर्गाताई तांबे, माधवराव कानवडे, इंद्रजीत थोरात, रणजितसिंह देशमुख, सत्यजीत तांबे, बाबा ओहोळ, कॅन्सरतज्ज्ञ डॉ. जयश्री थोरात आदींनी अभिनंदन केले.
