महाराष्ट्र संवाद न्यूज
नासिक-पुणे महामार्गावर संगमनेर नजीक असलेल्या रायतेवाडी फाटा येथे एसटी बस आणि हुंडाई कारच्या झालेल्या धडकेत एकाच कुटुंबातील चार जण जखमी झाले आहे. जखमींवर संगमनेर येथील खाजगी रुग्णालयात उपचार सुरू आहेत.
या अपघातासंदर्भात अधिक माहिती अशी, नासिक येथील मित्तल कुटुंबीय गुरुवारी दुपारी बारा वाजण्याच्या सुमारास त्यांच्या मालकीच्या हुंदाई कारमध्ये संगमनेरहून पुण्याच्या दिशेने जात होते. त्यांची कार रायतेवाडी फाटा येथे आली असताना समोरून पुण्याहून संगमनेर कडे येणाऱ्या एसटी बसने कारला जोराची धडक दिली.
या अपघातात अजयकुमार राजेंद्रकुमार मित्तल, त्यांची पत्नी दीपशिखा अजयकुमार मित्तल, मुलगा शिखर अजय कुमार मित्तल आणि सून आहण शिखर मित्तल (सर्व रा. फ्लॅट नंबर ८, साईप्रसाद १, विमान नगर ओझर, नाशिक) हे चौघे गंभीर जखमी झाले. जखमींनी अपघात करणाऱ्या एसटी बसचा नंबर एम.एच ०६, एस ८२१३ असा असल्याचे सांगितले आहे. 
शहर पोलिसांनी जखमी अजयकुमार मित्तल यांच्या तक्रारीवरून एम.एच ०६, एस ८२१३ वरील अज्ञात बस चालका विरोधात गुन्हा दाखल केला असून पुढील तपास पोलीस नाईक पवार करत आहेत.
