महाराष्ट्र संवाद न्यूज
काँग्रेस पक्षाचे वरिष्ठ नेते आमदार बाळासाहेब थोरात यांच्या नेतृत्वाखाली संपूर्ण देशातील सहकारासाठी मापदंड ठरलेल्या सहकार महर्षी भाऊसाहेब थोरात सहकारी साखर कारखान्याचे अध्यक्ष प्रतापराव उर्फ बाबा ओहोळ यांची महाराष्ट्र राज्य सहकारी साखर संघाच्या उपाध्यक्षपदी बिनविरोध निवड झाली.
मुंबई येथे महाराष्ट्र राज्य सहकारी साखर संघाच्या सभागृहात ही बिनविरोध निवड झाली. यावेळी विरोधी पक्षनेते अजित दादा पवार, विधिमंडळ पक्षनेते आमदार बाळासाहेब थोरात, माजी मंत्री हर्षवर्धन पाटील, नॅशनल फेडरेशनचे अध्यक्ष जयप्रकाश दांडेगावकर, अध्यक्ष पी. आर. पाटील यांच्यासह नूतन संचालक, राज्यातील सहकार क्षेत्रातील विविध पदाधिकारी उपस्थित होते.
माजी मंत्री आमदार बाळासाहेब थोरात यांच्या मार्गदर्शनाखाली सहकार महर्षी भाऊसाहेब थोरात सहकारी साखर कारखान्याने कायम उच्चांकी भाव देताना शेतकरी, ऊस उत्पादक, सभासद, कामगार यांचे हित जोपासले आहे. मागील वर्षी कारखान्याला ऊस विभागाचा देश पातळीवरील उत्कृष्टतेचा पुरस्कार प्राप्त झाला आहे. याचबरोबर मागील हंगामात 15 लाख 53 हजार मे. टनाचे उच्चांकी गाळपही कारखान्याने केले आहे.
राज्य सहकारी साखर संघाच्या संचालकपदी मागील महिन्यात कारखान्याचे अध्यक्ष प्रतापराव ओहोळ यांची निवड झाली होती. संगमनेरचा सहकार हा संपूर्ण देशाला आदर्शवत असून हीच आदर्श कामकाजाची परंपरा बाबासाहेब ओहोळ यांनीही जपली आहे. त्यांनी काँग्रेसचे तालुकाध्यक्ष पद अत्यंत कार्यक्षम पणे सांभाळले होते. आता कारखान्याचे अध्यक्षपद आणि राज्य सहकारी साखर संघाचे उपाध्यक्षपद अशी दुहेरी जबाबदारी त्यांना मिळाली असल्याने संगमनेरच्या सहकार पंढरीच्या शिरपेचात आणखी एक मानाचा तुरा रोवला आहे. 
निवडीनंतर अजित पवार व आमदार बाळासाहेब थोरात यांच्या हस्ते त्यांचा सत्कार करण्यात आला. ओहोळ यांच्या निवडीबद्दल विधिमंडळ पक्षनेते आमदार बाळासाहेब थोरात, आमदार डॉ. सुधीर तांबे, बाजीराव खेमनर, माधवराव कानवडे, दुर्गाताई तांबे, रणजीतसिंह देशमुख, सत्यजित तांबे, इंद्रजीत थोरात, कॅन्सर तज्ञ डॉ. जयश्री थोरात, सोमेश्वर दिवटे, रामहरी कातोरे, कार्यकारी संचालक जगन्नाथ घुगरकर आदींसह तालुक्यातील विविध पदाधिकाऱ्यांनी त्यांचे अभिनंदन केले आहे.
