महाराष्ट्र संवाद न्यूज
पत्रकारांचे मातृसंस्था समजल्या जाणाऱ्या मराठी पत्रकार परिषदेच्या प्रदेश कार्यकारिणीवर दैनिक लोकसत्ताचे संगमनेर प्रतिनिधी सुनील नवले यांची निवड केल्याची माहिती संघटनेचे उत्तर नगर जिल्हाध्यक्ष अमोल वैद्य यांनी दिली.
वैद्य यांनी प्रदेश प्रतिनिधी, मार्गदर्शक, सल्लागार आणि उत्तर नगर जिल्हा कार्यकारिणी जाहीर केली. लोकसत्ताचे अकोले तालुका प्रतिनिधी प्रकाश टाकळकर यांच्यासह पुण्यनगरीचे विकास अंत्रे, दैनिक सार्वमतचे अशोक गाडेकर, दैनिक दिव्य मराठीचे नवनाथ दिघे व गुरुप्रसाद देशपांडे, दैनिक सामनाचे बाळासाहेब भांड, दैनिक लोकमतचे प्रमोद आहेर व संगमनेर येथील मुक्त पत्रकार संदीप वाकचौरे यांचा मार्गदर्शकांमध्ये समावेश आहे. संघटनेच्या सल्लागारपदी दिव्य मराठीचे संगमनेर प्रतिनिधी गौतम गायकवाड, दैनिक आपलं महानगर अकोलेचे प्रतिनिधी विद्याचंद्र सातपुते, लोकमंथनचे राजेंद्र उंडे यांची निवड करण्यात आली.
उत्तर नगर जिल्हा कार्यकारिणीवर उपाध्यक्षपदी राहत्याचे पुण्यनगरीचे दिलीप खरात, श्रीरामपूरचे आपलं महानगरचे रवी भागवत, सरचिटणीसपदी कोपरगाव लोकमतचे रोहित टेके, सहसरचिटणीसपदी नेवासा-घोडेगाव लोकमतचे दिलीप शिंदे, खजिनदारपदी राहुरी पुढारीचे रियाज देशमुख, संपर्कप्रमुखपदी श्रीरामपूर सकाळचे महेश माळवे, प्रसिद्धी प्रमुखपदी सार्वमतचे प्रकाश आरोटे यांच्यासह कार्यकारिणी सदस्यपदी राजू पठाण, सचिन जंत्रे, राजू जाधव, अनंत बर्गे, आकाश येवले, सोमनाथ कचरे यांची निवड करण्यात आली आहे.
या पाठोपाठ आता उत्तर नगर जिल्ह्यातील सहा तालुक्यात लवकरच तालुका पदाधिकारी व कार्यकारिणीच्याही घोषणा करण्यात येणार असून परिषदेचे जिल्ह्यात अधिकाधिक संघटन वाढीसाठी नूतन पदाधिकारी व कार्यकारिणी प्रयत्न करेल अशी अपेक्षा मुख्य विश्‍वस्त एस. एम. देशमुख व राज्यातील पदाधिकारी यांनी व्यक्त केली आहे. नूतन पदाधिकारी व कार्यकारीणीचे मुख्य विश्‍वस्त एस. एम देशमुख, विश्‍वस्त किरण नाईक, प्रदेशाध्यक्ष शरद पाबळे, कार्याध्यक्ष मिलिंद अष्टीवकर, सरचिटणीस मन्सूरभाई शेख यांच्यासह सर्व क्षेत्रातील मान्यवरांनी अभिनंदन करून त्यांना शुभेच्छा दिल्या आहेत.
