महाराष्ट्र संवाद न्यूज नेटवर्क
संगमनेर : शेतकरी व बांधकाम व्यावसायिकांसाठी माफक दरात सेवा देणाऱ्या संगमनेरमधील शॅम्प्रो या संस्थेने नव्याने तयार केलेल्या सन २०२३ च्या अद्यावत दिनदर्शिकेचे प्रकाशन राज्याचे माजी महसूलमंत्री आमदार बाळासाहेब थोरात व आमदार डॉ. सुधीर तांबे यांच्या हस्ते करण्यात आले.
सहकारमहर्षी भाऊसाहेब थोरात साखर कारखाना कार्यस्थळावर या अद्यावत दिनदर्शिकेचे प्रकाशन करण्यात आले. यावेळी कारखान्याचे अध्यक्ष प्रतापराव ओहोळ, उपाध्यक्ष संतोष हासे, संचालक इंद्रजित थोरात, शॅम्प्रो संस्थेचे अध्यक्ष आर. एम. कातोरे, उपाध्यक्ष सुभाष सांगळे, अरुण ताजणे, शांताराम डुबे, वसंत साबळे, भारत वर्पे, तान्हाजी आहेर, दगडू लांडगे, भिमा राहींज, राधाकिसन देशमुख, कारखान्याचे कार्यकारी संचालक जगन्नाथ घुगरकर, सचिव किरण कानवडे, बबनराव सावंत, बाळासाहेब नवले, बंडू थोरात, बाळकृष्ण पवार, चांगदेव शेटे, शांताराम पानसरे, दत्तप्रसाद कोल्हे आदि उपस्थित होते.
आमदार थोरात म्हणाले,शॅम्प्रो ही संस्था शेतकरी, बांधकाम व्यावसायिक यांच्या मदतीची संस्था आहे. सहकारी तत्वावरील ही एकमेव संस्था असावी. या संस्थेने आधुनिकतेकडे वाटचाल केली असून शेतकऱ्यांना उपयोगी पडणाऱ्या माहितींचे संकलन ही या दिनदर्शिकेत केले आहे. या संस्थेची दिनदर्शिका ही दरवर्षीप्रमाणे दर्जेदार झाली आहे.
या दिनदर्शिकेचे ग्रामीण भागातून स्वागत होत आहे. कार्यक्रमाचे प्रास्ताविक संस्थेचे अध्यक्ष रामहरी कातोरे यांनी केले.
