महाराष्ट्र संवाद न्यूज नेटवर्क
संगमनेर : संगमनेर तालुक्यातील हिवरगाव पावसा येथील देवगड विद्यालयांमध्ये आंतरशालेय विज्ञान-गणित प्रदर्शन पार पडले. या प्रदर्शनामध्ये विद्यार्थ्यांच्या ७२ उपकरणांचा समावेश असल्याची माहिती देण्यात आली आहे.
आजच्या प्रगतीच्या, धावपळीच्या विज्ञान युगात तसेच स्पर्धेच्या युगात विद्यार्थ्यांना टिकून राहायचे असेल तरं त्यांच्यामध्ये विज्ञानवादी दृष्टीकोन विकसित होणे गरजेचे आहे. त्या दृष्टीने देवगड विद्यालय विद्यार्थ्यांच्या सर्वांगीण व्यक्तिमत्त्वाचा विकास करण्यासाठी विविध उपक्रम राबवित असते. त्याचाच एक भाग म्हणजे नुकतेच पार पडलेले विज्ञान गणित प्रदर्शन होय.
विद्यार्थ्यांमधील सुप्त विज्ञानवादी विचारांना चालना मिळण्यासाठी, त्यांच्यातही एक शास्रज्ञ लपलेला आहे याची त्यांना जाणीव करून देण्याच्या अनुषंगाने प्रदर्शन भरविण्यात आले होते. प्रदर्शनाचा शुभारंभ देवगड विद्यालयाचे मुख्याध्यापक रमेश पावसे यांच्यासह प्रमुख पाहुण्यांच्या उपस्थितीत सरस्वती प्रतिमा पूजनाने करण्यात आला.
पंचक्रोशीतील हिवरगाव पावसा, निमगाव टेंभी, शिरापूर येथील जिल्हा परिषद प्राथमिक शाळेतील विद्यार्थ्यांनी आपल्या शिक्षकांसमवेत प्रदर्शनाला भेट देत उपक्रमांची माहिती घेतली. परीक्षक म्हणून भारत सातपुते, बाळासाहेब राऊत, प्रदीप कांबळे सर यांनी काम बघितले.
कार्यक्रमास प्रमुख पाहुणे म्हणून प. पू. गगनगिरी विद्यालयाचे प्राचार्य मुकुंद डांगे, भारत सातपुते, सरपंच सुभाष गडाख, हनुमान विद्यालयाचे माजी मुख्याध्यापक गणपत पावसे, चंदनेश्वर विद्यालयाच्या पर्यवेक्षिका श्रीमती उगले मॅडम, बाळासाहेब राऊत, गुळवे सर, सुरेश राहाणे, यादवराव पावसे, दत्तात्रय पावसे, प्रदीप कांबळे, ग्रामस्थ आदी मान्यवर उपस्थित होते.
कार्यक्रम यशस्वीतेसाठी विद्यालयाचे मुख्याध्यापक रमेश पावसे, श्रीमती हांडे मॅडम, गणित विषय शिक्षक नेहे सर, माने सर, तातळे सर, विज्ञान विषय शिक्षक वाघ सर, थोरात सर, तोरकडी सर, श्रीमती भालेराव मॅडम, किरण शेळके, शांताराम पवार, रवींद्र भालेराव यांनी प्रयत्न केले.
