महाराष्ट्र संवाद न्यूज नेटवर्क
संगमनेर : पत्रकारांची मातृसंस्था समजल्या जाणाऱ्या मराठी पत्रकार परिषदेची संगमनेर तालुका कार्यकारिणी जाहिर करण्यात आली असून अध्यक्षपदी दैनिक लोकमतचे शेखर पानसरे, उपाध्यक्षपदी दैनिक सकाळचे आनंद गायकवाड आणि दैनिक सार्वमतचे राजू नरवडे यांची तर कार्याध्यक्षपदी गोरक्ष नेहे यांची निवड करण्यात आल्याची माहिती उत्तर नगर जिल्हाध्यक्ष अमोल वैद्य यांनी दिली.
मराठी पत्रकार परिषदेची संगमनेर तालुक्याची अन्य कार्यकारिणी पुढीप्रमाणे:-
चिटणीस संदीप इटप (लोकमंथन), सहचिटणीस मंगेश सालपे (नगर सह्याद्री), खजिनदार सुनील महाले (सायं.आनंद), संपर्क प्रमुख संजय अहिरे (युवावार्ता) व नीलिमा घाडगे (केसरी), प्रसिद्धी प्रमुख भारत रेघाटे (दैनिक भास्कर), संघटक धिरज ठाकूर (प्रवरातीर), मार्गदर्शक किसनभाऊ हासे, राजेंद्रसिंह चौहान, शिवपाल ठाकूर, कार्यकारिणी सदस्य: राजा वराट (सामना), शिवाजी क्षीरसागर (अजिंक्य भारत), श्याम तिवारी (नायक), गणेश भोर (सार्वमत), नितीन ओझा (Abp माझा), आदेश वाकळे (लोकशाही न्यूज), संजय गायकवाड (पुण्यनगरी), अमोल मतकर (प्रभात), अनंत पांगारकर (राष्ट्र सह्याद्री), रामप्रसाद चांदघोडे (लोकमत), नितीन शेळके (सार्वमत), चंद्रकांत शिंदे (लोकआवाज), अंकुश बुब (सार्वमत), सुशांत पावसे (सार्वभौम).
नवनिर्वाचित पदाधिकारी व कार्यकारिणी परिषदेचे तालुक्यातील संघटन वाढीसाठी प्रयत्न करेल, अशी अपेक्षा जिल्हाध्यक्ष अमोल वैद्य व्यक्त केली आहे.
नूतन पदाधिकारी व कार्यकारिणीचे मराठी पत्रकार परिषदेचे मुख्य विश्वस्त एस. एम. देशमुख, विश्वस्त किरण नाईक, प्रदेशाध्यक्ष शरद पाबळे, कार्याध्यक्ष मिलिंद अष्टीवकर, सरचिटणीस मन्सूरभाई शेख, नाशिक विभागीय सचिव रोहिदास हाके, प्रदेश प्रतिनिधी सुनिल नवले, उत्तर नगर जिल्हाध्यक्ष अमोल वैद्य, सल्लागार संदीप वाकचौरे, कार्यकरिणी सदस्य सचिन जंत्रे, दक्षिण नगर जिल्हाध्यक्ष सूर्यकांत नेटके , डिजिटल मीडियाचे जिल्हाध्यक्ष आफताब शेख यांच्यासह सर्व क्षेत्रातील मान्यवरांनी अभिनंदन करून शुभेच्छा दिल्या आहेत.
