महाराष्ट्र संवाद न्यूज
माजी मंत्री आमदार बाळासाहेब थोरात माजी आमदार डॉ. सुधीर तांबे यांच्या उपस्थितीमध्ये येथील सहकारासाठी दीपस्तंभ ठरलेल्या अमृत उद्योग समूहाचे संस्थापक, स्वातंत्र्य सेनानी, सहकार महर्षी भाऊसाहेब थोरात यांची तेरावी पुण्यतिथी मंगळवारी (१४ मार्च) साजरी केली जाणार आहे.
सकाळी नऊ वाजता थोरात कारखान्यावरील अमृतेश्वर मंदिराजवळील प्रेरणास्थळ येथे सहकार महर्षी भाऊसाहेब थोरात यांना पुष्पांजली व अभिवादन केले जाणार आहे. स्वातंत्र्य संग्रामानंतर सहकाराच्या माध्यमातून गोरगरीब माणसांच्या जीवनामध्ये समृद्धी निर्माण करताना सहकारमहर्षी थोरात यांनी सहकारात आर्थिक शिस्त, पारदर्शकता, काटकसर, व आधुनिकता ही तत्वे रुजवली. याच रचनात्मक वाटचालीवर विधिमंडळ पक्षनेते आमदार बाळासाहेब थोरात यांच्या मार्गदर्शनाखाली अमृत उद्योग समूह काम करत आहेत.
थोरात यांना पुष्पांजली व आदरांजली अर्पणप्रसंगी सहकारातील ज्येष्ठ नेते मधुकर नवले, टीडीएफचे राज्य समन्वयक हिरालाल पगडाल व कॅन्सरतज्ञ डॉ. जयश्री थोरात यांचे मनोगतही होणार आहे. या कार्यक्रमासाठी आमदार सत्यजित तांबे, शेतकरी विकास मंडळाचे अध्यक्ष बाजीराव खेमनर, माजी नगराध्यक्ष दुर्गाताई तांबे, कांचनताई थोरात, दूध संघाचे अध्यक्ष रणजितसिंह देशमुख आदींसह अमृत उद्योग समूहातील तसेच सहकारातील विविध संस्थांचे पदाधिकारी व मान्यवर उपस्थित राहणार आहेत.
तरी या अभिवादन कार्यक्रमासाठी तालुक्यातील नागरिकांनी उपस्थित राहावे असे आवाहन कार्यकारी संचालक जगन्नाथ घुगरकर यांनी केले आहे.
