महाराष्ट्र संवाद न्यूज
लातूर येथे झालेल्या महाराष्ट्र युथ सॉफ्टबॉल स्पर्धेत अहमदनगर जिल्ह्याचे नेतृत्व करणाऱ्या संगमनेर महाविद्यालयाच्या खेळाडूंनी अजिंक्यपद मिळवत सुवर्णपदकावर मोहर उमटविली. संघात आजी-माजी खेळाडूंचा सहभाग होता.
अंतिम सामन्यात बलाढ्य ठरलेल्या जळगाव मनपा संघासोबत झालेल्या चुरशीच्या सामन्यामध्ये ८-४ च्या धाव संख्येने मोठा विजय मिळविला. अजिंक्यपद मिळविणाऱ्या या मुलांच्या संघात पवन गुंजाळ, आकाश कातोरे, अभिषेक सोनवणे, वैभव मुठे, स्वप्निल पथवे, सौरभ कानवडे, साईराज परचंडे, निखिल शिंदे, वैभव नेहे, गणेश साबळे, हनुमंता शिंदे, युवराज गुरव यांचा समावेश होता.
पवन गुंजाळ याने पिचरची महत्त्वाची भूमिका पार पाडत प्रतिस्पर्धी संघाचे १५ गडी बाद केले तर बॅटिंग करताना आकाश कातोरे, अभिषेक सोनवणे, साईराज परचंडे यांनी होमर मारत महत्त्वाची कामगिरी बजावली.
संगमनेर महाविद्यालयामध्ये सॉफ्टबॉल खेळाला अनुकूल अशा सोयी-सुविधा उपलब्ध करून डॉ. अजित कदम यांच्या मार्गदर्शनाखाली कॉलेजचा माजी खेळाडू, अहमदनगर सॉफ्टवेअर असोसिएशनचे सचिव व संघाचे संघ व्यवस्थापक प्रा. तेजस कुलकर्णी, सहसचिव प्रशिक्षक प्रशांत शेणकर, प्रा. ओंकार वाकचौरे, निलेश गुंजाळ यांचे सहकार्य मिळाले.
महाविद्यालयाला अजिंक्यपद प्राप्त करून देणाऱ्या खेळाडूंचे शिक्षण प्रसारक संस्थेचे उपाध्यक्ष डॉ. आशुतोष माळी, डॉ. सोमनाथ सातपुते, कार्याध्यक्ष डॉ. संजय मालपाणी, सचिव डॉ. अनिल राठी, जनरल सेक्रेटरी नारायण कलंत्री, क्रीडा संवर्धन समितीचे नरेंद्र चांडक, रवींद्र पवार, प्राचार्य प्रोफेसर डॉ. अरुण गायकवाड, उपप्राचार्य डॉ. रवींद्र तासीलदार आदींनी अभिनंदन केले.
