महाराष्ट्र संवाद न्यूज
काँग्रेसचे विधिमंडळ पक्षनेते माजी मंत्री आमदार बाळासाहेब थोरात यांच्या माध्यमातून जिल्हा परिषद सदस्यांनी केलेल्या प्रयत्नातून संगमनेर तालुक्यातील विविध विकास कामांसाठी अहमदनगर जिल्हा परिषदेच्या माध्यमातून पंधराव्या वित्त आयोग योजनेअंतर्गत तब्बल 91 लाख रुपयांचा निधी मंजूर करण्यात आला आहे अशी माहिती आमदार थोरात यांच्या संपर्क कार्यालयाकडून देण्यात आली.
171 गावे आणि अडीचशेच्यावर वाडीवस्ती असलेल्या संगमनेर तालुक्यातील प्रत्येक गावात आमदार थोरात यांच्या माध्यमातून आरोग्य, शिक्षण, दळणवळण, सिमेंट बंधारे, रस्ते, पिण्याच्या पाण्याच्या आदी विकासाच्या योजना राबविण्यात आल्या आहे. सहकाराच्या माध्यमातून समृद्धी निर्माण झालेला हा तालुका राज्यात विकसित असलेल्या पहिल्या पाच तालुक्यांमध्ये गणला जातो.
अहमदनगर जिल्हा परिषद सन 2021-22 या आर्थिक वर्षासाठी पंधराव्या वित्त आयोगातून खालील कामे केली जाणार आहेत.
रायते येथे हनुमान मंदिरासमोर सभा मंडप बांधकाम- पाच लाख रुपये.
वाघापूर येथे स्वामी समर्थ केंद्र ते गव्हाळी रस्ता मजबुतीकरण- पाच लाख रुपये.
मालुंजे ते जुने अंभोरे रस्ता मजबुतीकरण- सात लाख रुपये.
डिग्रस ग्रामपंचायत कार्यालयावर सभागृह बांधणे- आठ लाख रुपये.
अंभोरे येथे आदिवासी रस्ता मजबुतीकरण- सहा लाख रुपये.
पिंपरणे ते कनोली शिव रस्ता मजबुतीकरण- सात लाख रुपये.
घुलेवाडी कचरा व्यवस्थापन घंटागाडी खरेदीसाठी- पाच लाख रुपये.
चिखली येथे शिवछत्रपती स्मारक सुशोभीकरणासाठी- पाच लाख रुपये.
पिंपळगाव कोन्झिरा येथे स्मशानभूमी सुशोभीकरण- पाच लाख रुपये.
वरुडी पठार येथे स्मशानभूमी सुशोभीकरण- चार लाख रुपये.
तळेगाव दिघे येथे महादेव मंदिर परिसर सुशोभीकरण- पाच लाख रुपये.
करुले येथे विठ्ठल मंदिर सभा मंडप- पाच लाख रुपये.
हिवरगाव पावसाचे खंडोबा मंदिर सुशोभीकरण पेव्हिंग्ज ब्लॉक बसविणे- पाच लाख रुपये.
निमोण येथे दशक्रिया घाट सुशोभीकरण- पाच लाख रुपये.
वरवंडी येथे स्मशानभूमी सुशोभीकरण- पाच लाख रुपये.
डोळासने येथे ठाकरवस्ती अंतर्गत पाटणवाडी-डुबेवाडी रस्ता डांबरीकरण करणे- नऊ लाख रुपये. असा 91 लाख रुपयांचा निधी मंजूर करण्यात आला आहे.
