संगमनेर (महाराष्ट्र संवाद न्यूज)
संगमनेरच्या कृषी विभागातील एका कर्मचाऱ्याच्या रंगेल लीला मंगळवारपासून चांगल्याच चर्चेत आल्या आहेत. कृषी पर्यवेक्षक असलेल्या या कर्मचाऱ्यांने आपल्याच खात्यातील एका महिलेचे अश्लील फोटो कार्यालयाच्या व्हाट्सअप ग्रुपवर सेंड केले आणि या कर्मचाऱ्यांच्या वेगवेगळ्या लीलांना तोंड फुटले आहे. कार्यालयाच्या वरिष्ठ अधिकाऱ्याकडून या कर्मचाऱ्यावर आता कोणती कारवाई केली जाते, याकडे लक्ष लागले आहे.
नवीन नगर रोडच्या प्रशासकीय इमारतीमध्ये थेट वरच्या मजल्यावर कमी वर्दळीच्या ठिकाणी संगमनेर तालुका कृषी अधिकारी यांचे कार्यालय आहे. थेट वरच्या मजल्यावर असल्याने या कार्यालयाशी फारसा कोणाचा संपर्क येत नाही. याच कार्यालयात गेल्या काही वर्षापासून एक कर्मचारी ठाण मांडून बसला आहे. कर्मचाऱ्यांचे आपल्याच विभागातील महिलेसोबत गेल्या अनेक वर्षापासून सूत जुळले आहे.
यातूनच त्यांच्या निर्माण झालेल्या अनैतिक संबंधाचे अनेक फोटो त्याने काढून ठेवले आहेत. त्यातील काही फोटो मंगळवारी सकाळी आपल्या कार्यालयाच्या ‘एस.बी.ओ.ए. स्पोर्टस’ नावाच्या व्हाट्सअप ग्रुप वर टाकली. विशेष म्हणजे या व्हाट्सअप ग्रुपचा ॲडमिन हा कर्मचारी स्वतःच असून या ग्रुपवर तालुका कृषी अधिकारी जिल्हा कृषी अधिकाऱ्यांचे जिल्ह्यातील महत्त्वाच्या अधिकारी, कर्मचारी असलेल्या पुरुष आणि महिलांचा समावेश आहे. आपल्या रंगेल सगळ्यांनी हा कर्मचारी गेल्या अनेक वर्षापासून प्रसिद्ध आहे.
यापूर्वी अनेकदा त्याच्याकडून असे प्रकार घडलेले आहेत. मात्र एवढे गंभीर प्रकार होऊन देखील संबंधित अधिकाऱ्यांनी त्याच्यावर कोणती कारवाई केली नाही. मंगळवारी पुन्हा या कर्मचाऱ्याने व्हाट्सअप ग्रुपवर आपल्या सोबत संबंध असलेल्या महिला कर्मचाऱ्यांचे नको त्या अवस्थेतील आक्षेपार्ह नग्न फोटो टाकल्यानंतर काही वेळातच त्याने एकेकाला ग्रुपमधून रिमूव्ह केले असल्याचे बोलले जाते. मात्र या कर्मचाऱ्याच्या पूर्वकृत्यांची कल्पना असल्याने अनेकांनी आपल्या मोबाईलमध्ये त्याने पाठविलेल्या फोटोचे स्क्रीन शॉट काढून ठेवले होते.
यातूनच हे फोटो संबंधित कर्मचाऱ्यांच्या पत्नी पर्यंत पोहोचल्याने तिने या संदर्भात पतीला जाब विचारल्यावर तू आता म्हातारी झाली आहेस, माझ्या घरातून निघून जा, असे म्हणत तिला मारहाण केली. त्यामुळे या कर्मचाऱ्यांच्या पत्नीने पोलीस ठाण्यात येत पोलीस निरीक्षक भगवान मथुरे यांची भेट घेऊन झालेला प्रकार त्यांच्या कानावर घातला. पोलिसांनी या कर्मचाऱ्यांच्या पत्नीची तक्रार नोंदवत या कर्मचाऱ्या विरोधात अदखलपात्र गुन्हा दाखल केला आहे.
कृषी विभागाच्या अधिकाऱ्यांनी देखील पोलिसांना या संदर्भात पत्र दिले असले तरी या कर्मचाऱ्यावर कारवाईचे अधिकार कृषी विभागाच्या वरिष्ठ अधिकाऱ्यांना असल्याने ते या संदर्भात काय कारवाई करतात याकडे लक्ष लागले आहे.
