संगमनेर (महाराष्ट्र संवाद न्यूज)
संगमनेरच्या अर्थकारणातील महत्त्वाची संस्था म्हणून परिचित असलेल्या विजय नागरी सहकारी पतसंस्थेच्या निवडणुकीत सुरुवातीलाच राखीव जागांवरील सहा उमेदवार बिनविरोध झाल्यानंतर सर्वसाधारण गटातील उर्वरित अकरा जागांसाठी झालेल्या निवडणुकीत संत श्री ज्ञानेश्वर महाराज पॅनलचे सर्वच्या सर्व उमेदवार मोठ्या मताधिक्याने विजयी झाले.
सुमारे 105 कोटी रुपयांच्या ठेवी असलेली ही संस्था वर्षभरात कोणतीही सुट्टी न घेता सलग सातही दिवस सुरू असते. महिला बचत गट आणि सामान्य नागरिकांना कर्ज पुरवठा करणारी संस्था म्हणून संस्थेचा नावलौकिक राहिला आहे. बँकिंग क्षेत्रातील अनेक सामाजिक आणि शासकीय पुरस्कार प्राप्त संस्थेचा आर्थिक कारभार अन्य संस्थांसाठी दिशादर्शक राहिला आहे.
संस्थेच्या संचालक मंडळासाठी पंचवार्षिक निवडणुकीचा कार्यक्रम जाहीर झाल्यानंतर सुरुवातीलाच महिला राखीव गटातून मैथिली मिलिंद कुलकर्णी, वैशाली अजित कुलकर्णी व प्रज्ञा रवींद्र डांगे, इतर मागासवर्गीय गटातून प्रवीण सखाराम कर्पे, भटक्या जमाती विमुक्त जाती गटातून भीमाशंकर रावबा चकोर व अनुसूचित जाती जमाती गटातून रामनाथ आवडाजी जगताप बिनविरोध निवड झाली होती.
तर सर्वसाधारण गटातील 11 जागा देखील बिनविरोध व्हाव्यात यासाठी सत्ताधारी गटाने प्रयत्न केले मात्र त्यांना यश आले नाही. 11 जागांसाठी 14 उमेदवार शिल्लक राहिल्याने शुक्रवारी (ता.19 मे) गणेशनगर मधील पद्मरसिक शाह विद्यामंदिर मध्ये यासाठी मतदान झाले. निवडणुकीत संत श्री ज्ञानेश्वर पॅनलचे सर्वच्या सर्व अकरा उमेदवार मोठ्या मताधिक्याने निवडून आले उर्वरित तिघा अपक्षांचा पराभव झाला. संस्थेच्या निवडणुकीत विजयी झालेल्या उमेदवारांचे सभासदांनी व समाजातील सर्व स्तरातील मान्यवरांनी अभिनंदन केले आहे.
उमेदवार निहाय पडलेली मते खालीलप्रमाणे:-
डॉ. आशुतोष नारायण माळी (विजयी – 567)
संदीप दत्तात्रय मुळे (विजयी – 550)
पराग प्रकाशक सराफ (विजयी – 544)
विशाल भालचंद्र कोरडे (विजयी – 542)
अनिरुद्ध गोपाळ उपासनी (विजयी – 540)
केदार विलास सराफ (विजयी – 538)
प्रवीण माधवराव बेलापूरकर (विजयी – 524)
बाळकृष्ण महादेव महाजन (विजयी – 513)
विश्वजीत वसंतराव कुलकर्णी (विजयी – 513)
उदय बाळकृष्ण जोशी (विजयी- 512)
प्रवीण सोमनाथ रत्नपारखी (विजयी – 511)
विजय रमाकांत घेवारे (पराभूत – 173)
सोमनाथ गोपाळ पराई (पराभूत – 104)
गीताराम रामा मुळे (पराभूत – 162)
