राहाता (महाराष्ट्र संवाद न्यूज)
उच्चशिक्षित प्रेयसीला फसवत दुसऱ्या मुलीशी विवाह करणे नवरदेवाला चांगलेच महागात पडले आहे. नव्या वधू सोबत बोलल्यावर चढण्यासाठी नवरदेवाची निघालेली मिरवणूक लग्न मंडपाऐवजी थेट पोलीस ठाण्यात पोहोचण्याचा प्रकार राहाता तालुक्यात समोर आला आहे.
लग्नाचे अमिष दाखवून वारंवार अत्याचार केल्याची तक्रार घेऊन प्रेयसी पोलीस ठाण्यात पोहोचली आणि नवरदेवाचा हिरमोड झाला. लग्न तर मोडलेच परंतु नवरदेवावरही फसवणुकीचा गुन्हा दाखल झाला. नगर जिल्ह्यात या विवाहाची चर्चा सुरू आहे.
एकीकडे वर आकाशात सूर्यनारायण तळपत असताना दुसरीकडे विवाह समारंभ जोरात सुरू आहे. रविवारी (ता. 21 मे 2023) अहमदनगर जिल्ह्यातील राहाता येथील सावता महाराज मंगल कार्यालयामध्ये देवळाली ता. नाशिक येथील पंकज कदम याचा विवाह होणार होता. त्यासाठी वधू-वर पक्षाकडील नातेवाईक, पाहुणे उपस्थित होते. विवाह समारंभ काही मिनिटांवर येऊन ठेपला होता. नव्या नवरदेवाची मिरवणूक लग्न मंडपात येणार होती तोच रस्त्यातच पोलिसांनी मिरवणूक थांबवता नवरदेवाला पोलीस ठाण्यात आणले.
आणि त्यानंतर साऱ्याच गोष्टींचा उलगडा झाला. नाशिकमधील एक मुलगी राहाता पोलीस ठाण्यात आली होती. तिने नवरदेवाचे आणि आपले प्रेम संबंध असल्याचे तसेच लग्नाचे आमिष दाखवून वारंवार अत्याचार केल्याची तक्रार नवरदेवाविरोधात पोलीस ठाण्यात दाखल केली होती. तरुणीने दिलेल्या तक्रारीत म्हटले आहे की मी नाशिक रोडला एकटीच राहत असून माझी पंकज कदम सोबत नाशिक रोडला एका लॅबमध्ये काम करत असताना ओळख झाली. ओळखीचे रूपांतर प्रेमात झाले.
लग्नाचे आमिष दाखवून त्याने वारंवार अत्याचार केले. त्यानंतर दिनांक १८ मे २०२३ रोजी पंकज कदम नाशिकरोड येथील घरी आला व मला सांगितले की, माझे काका वारले आहेत आमच्यात नातेवाईक मयत झाल्यावर सहा महिन्यांपर्यंत लग्न वगैरे कार्यक्रम करत नाहीत. दिवाळीमध्ये आपण लग्न करू असे सांगून माझ्या इच्छेविरुद्ध शारीरिक संबंध ठेवले. त्यानंतर तो २१ मे रोजी राहता येते लग्न करत असल्याची माहिती समजली. त्यामुळे माझी खात्री झाली की पंकज कदम याने मला वेळोवेळी लग्नाचे आमिष दाखवून माझ्या एकशेविरुद्ध शारीरिक संबंध ठेवले. तसेच दुसरे लग्न करण्याचा प्रयत्न करून माझी फसवणूक केली, अशा आशयाच्या फिर्यादीवरून आरोपी विरोधात अत्याचार आणि फसवणुकीच्या गुन्ह्याची नोंद करण्यात आली आहे.
