श्रीरामपूर (महाराष्ट्र संवाद न्यूज)
श्रीरामपूर पोलिसांनी गोवंश जनावरांचे कत्तल करून त्यांच्या मांसाची वाहतूक करणाऱ्या वाहनावर कारवाई करत सुमारे पावणे पाच लाखाचा मुद्देमाल हस्तगत केला आहे.
सोमवारी (ता. २२ मे) दुपारी अडीच वाजण्याच्या सुमारास श्रीरामपूर पोलिसांनी धनगर वस्ती, वार्ड नंबर दोन येथे ही कारवाई केली. कारवाई दरम्यान पोलिसांना मुजाहिद मुस्ताक कुरेशी हा त्याच्याकडील पांढऱ्या रंगाच्या महिंद्रा कंपनीच्या कार नंबर एम. एच. २३ वाय ६०९९ मध्ये गोवंश जनावरांची कत्तल करून ६३००० रुपये किमतीचे साडेचारशे किलो मांस विक्री करण्याच्या उद्देशाने मिळून आला पोलिसांनी कारवाईदरम्यान ६३ हजार रुपये किमतीचे मांस व चार लाख रुपये किमतीची कार ताब्यात घेतली.
श्रीरामपूर पोलीस ठाण्यात या प्रकरणी मुजाहिद मुस्ताक कुरेशी (वय 23 वर्ष, रा. कुरेशी जमातखाना, वार्ड नं. 2, श्रीरामपुर) याच्या विरोधात पोलीस कॉन्स्टेबल आजिनाथ बाबुराव आंधळे यांनी दिलेल्या फिर्यादीवरून प्राणी रक्षण (सुधारणा)अधिनियम 1995 चे सुधारीत कायदा सन 2015 चे कलम 5, 5(ब ), (क), 9 (अ) प्रमाणे गुन्हा दाखल करण्यात आला आहे.
श्रीरामपूर शहर पोलीस ठाण्याचे पोलीस निरीक्षक हर्षवर्धन गवळी यांच्या मार्गदर्शनाखाली पोलीस नाईक ए. एस. जाधव पुढील तपास करत आहे.
