महाराष्ट्र संवाद न्यूज
सकल हिंदू समाजाच्यावतीने संगमनेरमध्ये मंगळवारी सकाळी काढण्यात आलेला भगवा मोर्चा हजारोंच्या उपस्थितीत सुरू आहे. मोर्चा कार्यामुळे सर्वत्र भगवे वातावरण तयार झाले. अकराच्या सुमारास मोर्चाचे शेवटचे टोक सभासदाने पोहोचले होते.
महाराष्ट्रात हिंदूंच्या सणांवर होणारे हल्ले, दिल्लीमध्ये साक्षीची जिहादींकडून झालेली हत्या, शहर व तालुक्यात होणारी गोवंश कत्तल लव्ह जिहादसारख्या घटना किरकोळ वादातून ग्रामीण भागातील शेतकरी मजूर शालेय विद्यार्थी युवक यांना होणारी मारहाण यामुळे शहरात ढासळलेली कायदा सुव्यवस्था आणि संगमनेर तालुक्यातील जोर्वे गावातील आठ हिंदू तरुणांवर धारदार शस्त्राने करण्यात आलेल्या प्राणघातक हल्ल्याच्या निषेधार्थ हा मोर्चा सुरू आहे.
संगमनेर नगरपरिषदेपासून निघालेला हा मोर्चा बाजारपेठ, तेलीखुंट, सय्यद बाबा चौक, मेन रोड, चावडी, छत्रपती शिवाजी महाराज पुतळा, बस स्थानक या मार्गे नवीन नगर रोडवरील प्रांताधिकारी कार्यालयावर जाणार आहे.
मोर्चाचे पहिले टोक नवीन नगर रस्त्यावर प्रशासकीय कार्यालयाजवळ पोहोचले असताना दुसरे टोक मात्र बाजारपेठेत होते. यावरून गर्दीची उपस्थिती लक्षात येते. सर्वपक्षीय पदाधिकारी कार्यकर्ते तसेच नागरिकांची उपस्थिती या मोर्चात लक्षणीय आहे.
