महाराष्ट्र संवाद न्यूज
प्रांताधिकाऱ्यांच्या हद्दपारीच्या आदेशाचे उल्लंघन करणाऱ्या आरोपी आकाश उर्फ पप्पू बाबासाहेब गडाख याला ताब्यात घेत पोलिसांनी त्याच्या विरोधात गुन्हा दाखल केला आहे.
आरोपी आकाश उर्फ पप्पू बाबासाहेब गडाख याला संगमनेरच्या प्रांताधिकार्‍यांनी २५ ऑक्टोंबर २०२२ रोजी ३० ऑक्टोंबर २०२२ ते ३१ ऑक्टोंबर २०२३ या एक वर्षाच्या कालावधीसाठी अहमदनगर जिल्ह्यातून हद्दपार केले होते. गडाख हा हद्दपारीच्या कालावधीमध्ये तालुक्यामध्येच असल्याची माहिती पोलिसांना मिळाली होती.
नांदूर शिंगोटे – लोणी रस्त्यावर निमोण गावच्या शिवारात निमोण – पारेगाव गडाख फाट्यावर पोलिसांना आकाश उर्फ पप्पू बाबासाहेब गडाख हा आढळून आला. प्रांत अधिकाऱ्यांची कोणतीही परवानगी न घेता तो हद्दपारीच्या आदेशाचे उल्लंघन करत आढळून आल्याने पोलिसांनी त्याला ताब्यात घेतले आहे.
वर्षभरासाठी हद्दपार असलेला आरोपी आकाश उर्फ पप्पू बाबासाहेब गडाख हा पोलिसांना निमोण-पारेगाव फाट्यावर आढळून आल्याने त्याच्या विरोधात पोलीस हेडकॉन्स्टेबल आर. डी. घोलप यांनी दिलेल्या फिर्यादीवरून सोमवारी सायंकाळी संगमनेर तालुका पोलीस ठाण्यात महाराष्ट्र पोलीस कायदा १९५१ चे कलम १४२ नुसार गुन्हा दाखल करण्यात आला आहे.
