महाराष्ट्र संवाद न्यूज
संगमनेरात विनापरवाना गणेश मंडळांनी श्री गणेशाची स्थापना केली आहे. वास्तविक या मंडळांनी गणेशोत्सव साजरा करण्यासाठी पोलिसांकडून ऑनलाईन अर्ज करून परवानगी घेणे आवश्यक आहे. मात्र बहुतांशी गणेश मंडळांनी अशा प्रकारची परवानगी घेतली नसल्याचे पोलिसांच्या भेटीत समोर आले आहे.
पोलीस ठाण्यात करा अर्ज: सध्या गणेशोत्सव सुरू आहे. या पार्श्वभूमीवर संगमनेरमध्ये देखील मोठ्या प्रमाणात गणेश मंडळांनी गणरायाची स्थापना केली आहे. गणेश मंडळांनी पोलिसांची परवानगी घेणे आवश्यक असून वेळोवेळी सूचना देऊन देखील संगमनेर शहर पोलीस ठाण्याच्या हद्दीत बऱ्याच सार्वजनिक व खाजगी गणेश मंडळांनी अद्याप पावतो पोलीस ठाण्यातून गणेश उत्सव साजरा करण्यासंबंधी अर्ज केलेला नाही.
परवानगी घ्या: या संदर्भात पोलीस निरीक्षक भगवान मथुरे यांनी म्हटले आहे की, पोलीस ठाण्यातून ज्या गणेश मंडळांनी गणेशोत्सवाची परवानगी घेतलेली नाही, त्यांनी तात्काळ पोलीस ठाण्यात प्रत्यक्ष येऊन ऑनलाईन अर्ज करून आपल्या गणेश मंडळाची परवानगी घ्यावी.
अन्यथा कारवाई: पोलीस तपासणी दरम्यान विनापरवानगी गणेशोत्सव साजरा करणाऱ्या गणेश मंडळाच्या पदाधिकाऱ्यांना सर्वस्वी जबाबदार धरून त्यांच्यावर प्रचलित कायद्यान्वये कायदेशीर कारवाई करणार असल्याचा इशारा पोलीस निरीक्षक मथुरे यांनी दिला आहे.
