दि. १२ मार्च, नवी दिल्ली
२०२४ च्या लोकसभा निवडणुकीसाठी काँग्रेस पक्षाने ४३ उमेदवारांची आपली दुसरी यादी जाहीर केली आहे. या यादीत महाराष्ट्रातील एकाही उमेदवाराचा समावेश नसून तीन माजी मुख्यमंत्र्यांच्या मुलांना लोकसभेची उमेदवारी देण्यात आली आहे. आसाम मध्य प्रदेश आणि राजस्थान मधील उमेदवारांचा या यादीत समावेश आहे.
काँग्रेसचे अध्यक्ष मल्लिकार्जुन खरगे यांच्या अध्यक्षतेखाली झालेल्या निवडणूक समितीच्या बैठकीत उमेदवारांच्या नावावर शिक्कामोर्तब करण्यात आले. मध्य प्रदेशच्या छिंदवाडा येथून सध्याचे खासदार नकुलनाथ यांना काँग्रेसने पुन्हा तिकीट दिले आहे. राजस्थानचे माजी मुख्यमंत्री अशोक गेहलोत यांचा मुलगा वैभव गेहलोत, २००१-२०१६ पर्यंत आसामचे मुख्यमंत्री राहिलेले तरूण गोगई यांचे सुपुत्र गौरव गोगोई यांनाही काँग्रेसने आपल्या दुसऱ्या यादीत स्थान दिले आहे.
८ मार्चला आंतरराष्ट्रीय महिला दिवसाच्या निमित्त काँग्रेसने पहिली यादी जाहीर केली होती. त्यात राहुल गांधी, शशी थरूर यांच्यासह ३९ उमेदवारांच्या नावांची घोषणा करण्यात आली होती. आता त्या पाठवा दुसरी ४३ उमेदवारांची यादी जाहीर करण्यात आली आहे.
या ४३ उमेदवारांमध्ये १३ जण ओबीसी गटातील आहेत. तर १० उमेदवार एससी आणि ९ उमेदवार एसटी प्रवर्गातील आहेत. काँग्रेसने आपल्या या यादीत एका मुस्लिम चेहऱ्याला मैदानात उतरवले आहे.
यांचा आहे उमेदवारांमध्ये समावेश…
