रविवार, दि. २ जून
शिर्डीतील सागर शेजवळ हत्याप्रकरणी कोपरगाव सब जेलमध्ये असलेला आरोपी रुग्णालयात घेताना पोलीस कर्मचाऱ्याला चकवा देत पसार झाल्याचे घटना रविवारी पहाटे घडली. योगेश सर्जेराव पारधे असे पसार झालेल्या आरोपीचे नाव आहे.
शिर्डी येथील २०१५ मध्ये झालेल्या सागर शेजवळ हत्याकांडातील नऊ आरोपीपैकी एक आरोपी योगेश पारधे हा कोपरगाव कारागृहात आहे. पारधे याला शनिवारी रात्री रक्ताच्या उलट्या झाल्याने कारागृहातून त्याला पोलीस हेड कॉन्स्टेबल ढाकणे आपल्या दुचाकीवरून मध्यरात्रीच्या सुमारास ग्रामीण रुग्णालयात उपचारासाठी घेऊन जात होते. तहसील कार्यालयाच्या आसपास ते आले असता एका वळणावर दुचाकीचा वेग कमी झाल्याची संधी साधून आरोपी पारधे याने पोलीस कर्मचारी ढाकणे यांना चकवा देत पळ काढला.
ढाकणे यांनी त्याला पकडण्याचा अतोनात प्रयत्न केला. मात्र त्यांचे प्रयत्न अयशस्वी ठरले. अंधाराचा फायदा घेत आरोपी पळून जाण्यात यशस्वी झाला. त्यामुळे ढाकणे आणि तात्काळ पोलीस ठाणे घाटात यासंबंधी माहिती देत दिलेल्या तक्रारीवरून आरोपी योगेश पारधे यांच्या विरुद्ध गुन्हा दाखल करण्यात आला आहे. मध्यरात्री घडलेल्या या घटनेने सर्वत्र खळबळ उडाली आहे.
दरम्यान या प्रकाराची माहिती मिळताच शिर्डीचे पोलीस उपअधीक्षक शिरीष वमने, पोलीस निरीक्षक प्रदीप देशमुख यांनी तातडीने आरोग्याच्या शोधासाठी पोलीस पथके रवाना केली आहे.
