गुरुवार, २९ ऑगस्ट
मुंबई – गृह विभागाने गुरुवारी राज्यातील सात पोलीस उपाधीक्षकांच्या बढतीवर बदल्या केल्या आहेत. संगमनेरचे पोलीस उपअधीक्षक सोमनाथ वाघचौरे यांचा यात समावेश असून त्यांची बदली राज्य राखीव पोलीस बल गट क्रमांक ५, दौंड येथे समादेशक म्हणून झाली आहे. त्यांच्या रिक्त जागेवर अद्याप कोणाचीही नियुक्ती करण्यात आलेली नाही.
पोलीस अधीक्षक, पोलीस उप आयुक्त (असंवर्ग) पदावर या अधिकाऱ्यांची पदस्थापना करण्यात आली आहे. या संबंधीच्या आदेश गुरुवारी शासनाचे अपर सचिव संदीप ढाकणे यांनी काढले आहेत
बदल्या झालेल्या अधिकाऱ्यांची नावे (कंसात मिळालेली पदोन्नती)…
नरसिंग पंचम यादव (नियंत्रक, नागरिक संरक्षण, महाराष्ट्र राज्य, मुंबई)
सोमनाथ फकीरा वाघचौरे (समादेशक, राज्य राखीव पोलीस बल, गट क्रमांक ५, दौंड)
निलेश मनोहर पांडे (प्राचार्य, पोलीस प्रशिक्षण केंद्र, अकोला)
प्रशांत श्रीराम अमृतकर (समादेशक, राज्य राखीव पोलीस बल, गट क्रमांक १६, कोल्हापूर)
अण्णासाहेब मारुती जाधव (पोलीस अधीक्षक, नागरी हक्क संरक्षण, नाशिक)
सदाशिव शरणप्पा वाघमारे (पोलीस अधीक्षक, नागरी हक्क संरक्षण, नागपूर)
निलेश नानाभाऊ सोनवणे (पोलीस उप आयुक्त, बिनतारी सागरी विभाग, नवी मुंबई)
