आजचे राशीभविष्य
रविवार, दि. १ सप्टेंबर २०२४
मेष –
दशमेश स्वस्थानी असल्याने उत्साही दिवस. राहू नेपच्यून अचानक लांबचे प्रवास योग दर्शवतात. सगेसोयरे, नातलग आज तुमच्यावर अतिशय खुश असतील.
वृषभ –
जन्मस्थानी असलेले हर्षल गुरु आज भरभरून आर्थिक लाभ दर्शवतात. सप्तमेश मंगळ धनस्थानी डोळ्याला इजा दर्शवितो. डोळ्यांबाबत सावध राहा.
मिथुन –
आज कटकटीचा दिवस. आपल्या रागावर नियंत्रण ठेवा म्हणजे व्यवहार सुरळीत होतील. धनस्थानातील चंद्र, बुध आर्थिक समस्या सोडवतील.
कर्क –
जन्मस्थानी असलेले चंद्र बुध मानसिक शांतता प्रदान करतील. भाऊबंद, सगेसोयरे मात्र आजच्या दिवशी त्रास देण्याची शक्यता.
सिंह –
स्वस्थानी असलेला रवी व सप्तमात असलेला शनि मंद गतीने प्रगती दर्शवितो. आजच्या दिवशी वाहन मात्र सांभाळून चालवा.
कन्या –
जन्मस्थानी असलेली शुक्र केतू युती आज प्रेमात खोट असलेल्या व्यक्तीपासून सावध राहण्याचा सल्ला देते. जोडीदार आज दगा देण्याची शक्यता.
तूळ –
राशी स्वामी शुक्र केतू बरोबर व्ययस्थानी आहे. पैसे सांभाळा, मोठी फसवणूक होऊ शकते. आज लांबचा प्रवास करू नका.
वृश्चिक –
आजचा दिवस अतिशय दमवणारा आहे. आज फार धावपळ करावी लागेल. दुपारनंतर मात्र पैसा आणि आराम दोन्ही मिळू शकेल.
धनु –
अचानक धनलाभाची शक्यता. प्रवास फायदेशीर ठरतील. मित्र आपल्याला आज चांगली साथ देतील.
मकर –
अतिशय दगदग होईल. खिसा पाकीट सांभाळा. नको असलेले लोक आज भेटतील. संध्याकाळ नंतर शांतता जाणवेल.
कुंभ –
डोळ्याला इजा होण्याची शक्यता. विनाकारण भांडण ओढवून घेऊ नका. शक्य होईल तेवढं शांत राहण्याचा प्रयत्न करा.
मीन –
आजचा दिवस न भूतो न भविष्यती असा असेल. आज सगळे स्वप्न पूर्ण झाल्यासारखे वाटेल.
प्रकाश कुलकर्णी (गुरुजी), सिद्धस्वामी ज्योतिष (संपर्क- ९०२९९११४११)
