शुक्रवार, २५ ऑक्टोबर २०२४
मेष – कौटुंबिक सौख्य लाभून संततीकडून त्यांच्या प्रगतीपर बातम्या मिळतील. व्यवसाय-धंद्यात जुनी येणी वसूल होतील. आत्मविश्वासात वाढ होऊन जिद्द व चिकाटी वाढेल. महत्त्वाच्या कामात यश मिळेल.
वृषभ – आरोग्य उत्तम राहून उत्साहात भर पडेल. दैनंदिन आपली रोजची कामे आपण वेळेवर पूर्ण करू शकाल. काही महत्त्वाच्या गाठीभेटी झाल्यामुळे दीर्घकाळ रखडलेली कामे पूर्ण करता येतील.
मिथुन – महत्त्वाची कामे दुपारपूर्वी उरकून घ्यावीत. नियोजनात आयत्या वेळेस काही महत्त्वाचे बदल करावे लागतील. कुटुंबातून सहकार्य लाभेल. सरकारी कामांना विलंब लागण्याची शक्यता.
कर्क – आपल्या कार्यक्षेत्रात वरिष्ठांचे तसेच हाताखालील मंडळींचे अपेक्षित असलेले सहकार्य मिळेल. आर्थिक लाभ होतील. कुटुंबासाठी तसेच स्वतःसाठी काही नवीन खरेदी कराल.
सिंह – समाजातील थोरा मोठ्यांचे तसेच मान्यवरांचे आशीर्वाद आणि सहकार्य लाभेल. नवीन ओळखी होतील. गुरुजनांचे मार्गदर्शन लाभेल, गुरुकृपा होईल. एखादी महत्त्वाची सकारात्मक वार्ता कामी येईल.
कन्या – प्रकृतीकडे तसेच खाण्यापिण्याकडे लक्ष ठेवून पथ्यपाणी पाळा. संसर्गजन्य बाधेपासून जपा. हितशत्रूच्या कारवाया वाढण्याची शक्यता. वाद-विवाद टाळणे हितकारक राहील.
तुळ – नोकरीतील परिस्थिती समाधानकारक राहील. एखादी महत्त्वाची जबाबदारी स्वीकारावी लागेल. नोकरीच्या कामासाठी प्रवास करणे आवश्यक ठरेल. वरिष्ठांची मर्जी संपादित करता येईल.
वृश्चिक – आजच्या दिवशी खर्चाच्या प्रमाणात अचानक झालेल्या वाढीमुळे आश्चर्यचकित व्हाल. अनावश्यक खर्चाला कात्री लावणे हितकारक ठरेल. कुसंगती व व्यसनांपासून दूर राहणे हितकारक ठरेल.
धनु – आरोग्याच्या तक्रारी कमी होतील. दीर्घकाळ प्रलंबित असलेली कामे पूर्ण करू शकाल कार्यमग्न रहा. शासकीय स्वरूपाच्या कामांमध्ये यश संपादन करता येईल, त्यासाठी वेळ आणि पैसा खर्च होईल.
मकर – सामाजिक तसेच धार्मिक कार्यात रस उत्पन्न होईल. एखाद्या सार्वजनिक कार्यात सक्रीय योगदान देण्याच्या विचारात असाल. मालमत्तेच्या संबंधित असलेली कामे शक्यतो पुढे ढकलावीत.
कुंभ – जिद्द व चिकाटीने आपल्या समोरील कामे आपण पूर्ण कराल त्यासाठी जास्त प्रयत्न सुद्धा कराल मात्र आपल्या रागावर व बोलण्यावर नियंत्रण ठेवणे गरजेचे आहे. काहींना जवळचे प्रवास करावे लागतील.
मीन – व्यवसाय धंद्यातील जुनी येणी वसूल होतील. आर्थिक परिस्थिती सुधारेल. आपल्या कार्यक्षेत्र आपल्या कार्यशैलीमुळे व दक्षतेमुळे काही महत्त्वाच्या कामात यश मिळेल.
