संगमनेरच्या राजापूरमध्ये प्रजासत्ताक दिनी आगळा वेगळा उपक्रम, अशा पद्धतीने झाले ध्वजारोहण!

प्रतिनिधी | दि. २६ जानेवारी-

राजकीय दृष्ट्या प्रतिष्ठित असलेल्या आणि अग्रगण्य समजल्या जाणाऱ्या संगमनेर तालुक्यातील राजापूर गावामध्ये आगळावेगळ्या पद्धतीने झालेल्या ध्वजारोहणाची चर्चा सर्वत्र सुरू आहे.

गावचे ग्रामविकास अधिकारी भाऊसाहेब भांड यांच्या पुढाकारातून ७६ प्रजासत्ताक दिनाचे औचित्य साधत गावातील आत्तापर्यंतच्या माजी सरपंचांच्या उपस्थितीत ध्वजारोहण करण्यात आले. या आगळ्यावेगळ्या उपक्रमासाठी आत्तापर्यंतचे माजी सरपंच उपस्थित होते. गावाच्या विकासात योगदान देणाऱ्या आतापर्यंतच्या या माजी सर्व माजी सरपंचांचा ग्राम विकास अधिकारी भाऊसाहेब भांड, राजापूरच्या सरपंच कुसुमताई पानसरे, उपसरपंच सोमनाथ हासे यांनी फेटे बांधून सत्कार केला.

माजी सरपंचांमध्ये संपत हासे, शोभा गोसावी, माधव हासे, सुरेखा हासे, रोहिणी खतोडे, संजय हासे, बादशहा हासे, शैला हासे आदींचा समावेश होता.

याशिवाय विद्यमान ग्रामपंचायत सदस्य बादशहा हासे, राजेंद्र खैरनार, जयश्री हासे, कविता खतोडे, राजश्री घोलप, शैला हासे, अजय हासे, मोनाली हासे, बाळू रोकडे, रमेश जाधव, विमल हासे यांच्यासह गावचे पोलीस पाटील गोकुळ खतोडे, तलाठी पवार मॅडम, विविध संस्थांचे पदाधिकारी व ग्रामस्थ मोठ्या संख्येने उपस्थित होते.