अखिल भारतीय ग्राहक पंचायत संगमनेरच्या अध्यक्षपदी विनायक वाडेकर, तर महिला अध्यक्षपदी प्रज्ञा शिंदे

महाराष्ट्र संवाद न्यूज ऑनलाईन

संगमनेर, प्रतिनिधी: अखिल भारतीय ग्राहक पंचायतीच्या संगमनेर तालुका कार्यकारिणीची नुकतीच घोषणा करण्यात आली. यामध्ये विनायक वाडेकर यांची तालुका अध्यक्षपदी, तर प्रज्ञा शिंदे यांची महिला अध्यक्षपदी निवड झाली आहे. जिल्हाध्यक्ष शाहूराव औटी यांच्या अध्यक्षतेखाली पार पडलेल्या बैठकीत ही निवड करण्यात आली.

या बैठकीत जिल्हा उपाध्यक्ष सुरेश राहाणे, जिल्हा सचिव दिनेश थोरात, जिल्हा कोषाध्यक्ष अप्पासाहेब नरोटे, जिल्हा प्रसिद्धी प्रमुख भगवान गायकवाड आणि जिल्हा ग्राहक मार्गदर्शन आयाम प्रमुख हरिभाऊ चौधरी यांची प्रमुख उपस्थिती होती.

नव्याने जाहीर करण्यात आलेली कार्यकारिणी अशी, विनायक वाडेकर (अध्यक्ष), प्रज्ञा शिंदे (महिला अध्यक्ष), रोशन कोथमिरे, प्रदीप रहाणे (उपाध्यक्ष), प्रशांत राऊत (सचिव), सर्जेराव वाघ, माधव वाळे (सहसचिव), अशोक घोडे (कोषाध्यक्ष), सचिन गिरी (सहकोषाध्यक्ष)

या व्यतिरिक्त, विविध विभागांच्या आयाम प्रमुखांचीही निवड करण्यात आली. यामध्ये कृषी विभाग प्रमुख म्हणून सीताराम पानसरे, पर्यावरण विभाग प्रमुख म्हणून सौरभ म्हाळस, आणि महसूल विभाग प्रमुख म्हणून शाम नाईकवाडी यांची नियुक्ती करण्यात आली. राहुल पानसरे, सचिन आव्हाड आणि दादा शेटे हे कार्यकारिणी सदस्य म्हणून काम पाहतील.

नव्याने निवड झालेल्या पदाधिकाऱ्यांनी ग्राहक हक्कांची जाणीव वाढवण्यासाठी आणि सर्वसामान्य नागरिकांना न्याय मिळवून देण्यासाठी कटिबद्ध असल्याचे सांगितले. नव्या पदाधिकाऱ्यांच्या निवडीमुळे कार्यकर्त्यांमध्ये उत्साहाचे वातावरण असून, संघटनेचे कार्य अधिक जोमाने होईल, असा विश्वास व्यक्त करण्यात आला. जिल्हाध्यक्ष शाहूराव औटी यांनी या प्रसंगी नागरिकांना ग्राहक पंचायतीचे सदस्य होण्याचे आवाहन केले.