महाराष्ट्र संवाद न्यूज ऑनलाईन
शिर्डी: शिर्डी शहर आणि परिसरातील धार्मिक वातावरणात अनैतिक कृत्यांना आळा घालण्यासाठी पोलिसांनी मोठी मोहीम हाती घेतली आहे. या मोहिमेअंतर्गत, साई मंदिर परिसरातून अनैतिक व्यवसाय चालवणाऱ्या ४ हॉटेल्सवर छापा टाकून ती सील करण्यात आली. ही कारवाई उपविभागीय पोलिस अधिकारी यांच्या नेतृत्वाखालील पथकाने केली.
पोलिस निरीक्षक रणजीत गलांडे यांनी दिलेल्या माहितीनुसार, पोलीस अधीक्षक सोमनाथ घार्गे, श्रीरामपूरचे अपर पोलीस अधीक्षक सोमनाथ वाघचौरे, पोलिस उपनिरीक्षक अमोल भारती यांच्या मार्गदर्शनाखाली ही कारवाई झाली. यापूर्वी पिटा कायद्यान्वये कारवाई झालेले हॉटेल सील करण्यासाठी प्रांताधिकारी माणिकराव आहेर यांच्याकडे प्रस्ताव सादर करण्यात आला होता या प्रस्तावाला मान्यता मिळताच ही कारवाई करण्यात आली.
या पथकाने शिर्डी पोलिस स्टेशन हद्दीतील साई वसंत विहार लॉज (सोनार गल्ली), हॉटेल साई इन (दत्तनगर पिंपळवाडी रोड), हॉटेल साई वीरभद्र (सुतार गल्ली) व हॉटेल शितल (निमगाव) ही हॉटेल्स सील करण्यात आली आहेत.
या कारवाईमुळे शिर्डी शहरातील अनैतिक व्यवसायांना चांगलाच लगाम बसला आहे, असे पोलिसांनी सांगितले.
अनैतिक व्यवसायात गुंतलेली ४ हॉटेल्स सील
यापूर्वी पिटा कायद्यान्वये कारवाई झालेले हॉटेल सील करण्यासाठी प्रांताधिकारी माणिकराव आहेर यांच्याकडे प्रस्ताव सादर करण्यात आला होता
