संगमनेर-
व्यंगचित्रकार आणि साहित्यिक अरविंद गाडेकर यांच्या विविध ललित कथांचा संग्रह असलेले ‘मनातल पानावर’ या पुस्तकाचा प्रकाशन सोहळा रविवारी, (७ सप्टेंबर) सायंकाळी ६ वाजता आयोजित करण्यात आला आहे.
सह्याद्री कॉलेज येथील के. बी. दादा सभागृहात होणाऱ्या या कार्यक्रमाला महाराष्ट्राचे माजी शिक्षणमंत्री बाळासाहेब थोरात आणि ज्येष्ठ साहित्यिक डॉ. संजय कळमकर प्रमुख अतिथी म्हणून उपस्थित राहणार आहेत.
लेखक गाडेकर यांनी या पुस्तकाविषयी अधिक माहिती देताना सांगितले की, दैनंदिन जीवनात घडणाऱ्या घटनांमधून मनावर उमटलेल्या प्रतिक्रिया आणि भावनांचा संग्रह या पुस्तकात ललित कथांच्या स्वरूपात मांडण्यात आला आहे. यापूर्वी त्यांचे ‘सासू वर्सेस सून’ हे पुस्तक खूप लोकप्रिय झाले होते.
या प्रकाशन सोहळ्याच्या अध्यक्षस्थानी माजी आमदार डॉ. सुधीर तांबे असणार आहेत. आमदार सत्यजित तांबे, शारदा शिक्षण संस्थेच्या अध्यक्षा सुवर्णा मालपाणी, दुर्गाताई तांबे, डॉ. जयश्री थोरात, ज्येष्ठ पत्रकार किसन हासे, लेखक व कवी अनिल देशपांडे, आणि संजय गोर्डे यांचीही विशेष उपस्थिती राहणार आहे.
तरी या पुस्तक प्रकाशन सोहळ्यासाठी सर्व साहित्यप्रेमींनी उपस्थित राहावे, असे आवाहन ज्ञानेश्वर राक्षे, गिरीश सोमानी, दिलीप उदमले, लक्ष्मण ढोले, अनिल सोमणी, साहित्य परिषद आणि पुस्तक प्रकाशन सोहळा समितीच्या सर्व सदस्यांनी केले आहे.
अरविंद गाडेकर यांच्या ‘मनातल पानावर’ पुस्तकाचे प्रकाशन रविवारी
महाराष्ट्राचे माजी शिक्षणमंत्री बाळासाहेब थोरात आणि ज्येष्ठ साहित्यिक डॉ. संजय कळमकर प्रमुख अतिथी म्हणून उपस्थित राहणार आहेत.
