महात्मा फुले जन्मद्विशताब्दी निमित्त संगमनेरात उद्या प्रा. डॉ. शरद बाविस्कर यांचे ‘अस्वस्थ भारताचे अंतरंग’ विषयावर व्याख्यान

Annant Ppangarkar

महाराष्ट्र संवाद न्यूज ऑनलाईन:
महात्मा फुले जन्मद्विशताब्दीच्या औचित्याने सत्यशोधक विचारमंचाच्या वतीने आयोजित व्याख्यानमालेचे १० वे पुष्प सोमवारी, (७ सप्टेंबर) गुंफले जाणार आहे. या विशेष कार्यक्रमात दिल्लीच्या जवाहरलाल नेहरू विद्यापीठातील (JNU) प्रसिद्ध प्राध्यापक आणि आंतरराष्ट्रीय वक्ते प्रा. डॉ. शरद बाविस्कर हे ‘अस्वस्थ भारताचे अंतरंग’ या महत्त्वपूर्ण विषयावर उपस्थितांना मार्गदर्शन करणार आहेत.
हा वैचारिक सोहळा सायंकाळी ६ वाजता संगमनेर येथील डॉ. आंबेडकर पुतळ्याजवळील पडतानी कॉम्प्लेक्समधील व्यापारी असोसिएशन हॉलमध्ये पार पडणार आहे. महात्मा फुले यांच्या सत्यशोधक विचारांचा वारसा पुढे नेणे आणि समकालीन सामाजिक परिस्थितीवर भाष्य करणे हा या व्याख्यानाचा मुख्य उद्देश आहे.
या कार्यक्रमास संगमनेर शहर व परिसरातील सर्व नागरिक, विचारवंत, अभ्यासक तसेच श्रोत्यांनी मोठ्या संख्येने उपस्थित राहावे, असे आवाहन सत्यशोधक विचारमंचाच्या वतीने करण्यात आले आहे.