महाराष्ट्र संवाद न्यूज
एका प्रतिष्ठित डॉक्टरला तब्बल चार लाखांना ऑनलाइन गंडा घातला गेला आहे. विशेष म्हणजे यामध्ये त्यांना कुठलाही ओटीपी आलेला नव्हता. त्यामुळे हा ऑनलाइन गंडा कुणी घातला आणि कसा घातला ? याचा शोध सायबर पोलिसांना घ्यावा लागणार आहे.
नाशिकमधील कॉलेजरोड येथील विजन हॉस्पिटलचे डॉ. विनोद विजन यांना हा गंडा घातला गेला आहे. यामध्ये केवायसी अपडेट करण्याच्या बहाण्याने हा गंडा घातला गेल्याचे त्यांची स्नुषा डॉ. सृष्टी विक्रांत विजन यांनी पोलिस ठाण्यात दिलेल्या तक्रारीत म्हटले आहे.
तक्रारीनुसार 1 ते 2 मार्च दरम्यान त्यांना मोबाइलवर केवायसी अपडेट करण्याच्या संदर्भात मेसेज आला होता. त्यावरून डॉ. विजन यांनी क्लिक केले होते. त्यानंतर माहिती वाचत असतांना त्यांना अचानक तीन वेळेला पैसे डेबिट मेसेज आले, त्यामुळे डॉ. विजन यांना काही सुचेनासे झाले. डॉ. विजन यांनी आपले बँक बॅलन्स चेक केला त्यात बघितले असता त्यांच्या खात्यातून तब्बल 3 लाख 99 हजार 984 काढले गेल्याचे त्यांच्या निदर्शनास आले.
विशेष म्हणजे या संपूर्ण प्रकरणात डॉ. विजन यांनी मला कुठलाही ओटीपी आलेला नव्हता असा दावा केला आहे. त्यामुळे हा फसवणुकीचा नवा पॅटर्न तर नाही ना ? असा संशयही सायबर पोलिसांना येऊ लागला आहे. त्यामुळे आता पोलिसांच्या तपासात कोणत्या बाबी समोर येतात हे पाहणे महत्वाचे ठरणार आहे.
