महाराष्ट्र संवाद न्यूज
संगमनेर : संगमनेर तालुका विज्ञान गणित संघटनेची नवी कार्यकारिणी जाहीर करण्यात आले आहे. नव्याने जाहीर करण्यात आलेल्या तालुका विज्ञान संघाच्या अध्यक्षपदी मनोज ऊपरे व सचिवपदी दत्तात्रय खरात यांची तर गणित अध्यापक संघाच्या अध्यक्षपदी बाळासाहेब राऊत व सचिवपदी अनिल वाकचौरे यांची निवड करण्यात आली.
संगमनेर तालुका विज्ञान गणित अध्यापक संघाची बैठक राज्य विज्ञान महामंडळाचे माजी अध्यक्ष दत्तात्रय आरोटे यांच्या अध्यक्षतेखाली संगमनेर मधील दिगंबर गणेश सराफ विद्यालयात पार या बैठकीसाठी पुढील तीन वर्षासाठी कार्यकारिणीची निवड करण्यात आली आहे.
याच बैठकीमध्ये अध्यक्ष सचिवांसह संपूर्ण कार्यकारिणीची निवड करण्यात आली असून निवडण्यात आलेली विज्ञान संघाची कार्यकारिणी पुढील प्रमाणे : प्रताप जोंधळे (उपाध्यक्ष), मोहन साळुंके (सहसचिव), रवींद्र अभंग ((खजिनदार), यांच्यासह सदस्यपदी संगीता म्हस्के, ज्योती पाटोळे, आशा साळुंके, अर्चना नवले, वंदना मुंढे, मिलिंद औटी, आनंद कोडुर, गणेश जाधव, साईनाथ नवले, दत्तात्रय ढवळे, वायकर यांची निवड करण्यात आली.
तर गणित संघाच्या पदाधिकाऱ्यांमध्ये सोमनाथ हासे (उपाध्यक्ष), कैलास नेहे (सहसचिव), शिवलिंग भोर (खजिनदार) यांच्यासह सुनेत्रा काळे, सुजाता कापडी, अनिता डांगे, सीमा कोकणे, उत्कर्षा मुळे, राजेंद्र पवार, अशोक भारती, मच्छिंद्र भोर, अमोध कुलकर्णी, रमेश रुपवते या सदस्यांचा समावेश आहे.
या सभेसाठी जिल्हा मुख्याध्यापक संघाचे माजी सचिव शांताराम डोंगरे, तालुका विज्ञान संघाचे मावळते अध्यक्ष शशांक खोजे, गणित संघाचे मावळते अध्यक्ष संतोष बैरागी, माजी प्राचार्य दिलीप लांडगे, मुख्याध्यापक रमेश कानवडे, अविनाश कानवडे व तालुक्यातील विज्ञान-गणित शिक्षक उपस्थित होते.
यावेळी नूतन तसेच माजी पदाधिका-यांचा दत्तात्रय आरोटे व शांताराम डोंगरे यांच्या हस्ते सत्कार करण्यात आला. नूतन पदाधिका-यांनी वर्षभरात विज्ञान सहल, विज्ञान दिन, विज्ञान-गणित शिक्षकांसाठी कार्यशाळा आयोजित करणार असल्याचे सांगितले.
