महाराष्ट्र संवाद न्यूज
मुंबई – अचानकपणे २२ जानेवारीचा अयोध्येतील रामलल्ला प्राणप्रतिष्ठा सोहळ्याचा दौरा रद्द केलेले मुख्यमंत्री एकनाथ शिंदे यांनी आता आपला आयोध्या दौरा निश्चित केला आहे. फेब्रुवारीमध्ये ते उपमुख्यमंत्री देवेंद्र फडणवीस व अजित पवार यांच्यासह अख्ख मंत्रिमंडळच घेऊन रामलल्लाच्या दर्शनासाठी जाणार आहेत.
मुख्यमंत्री शिंदे यांचा २२ जानेवारीचा रामलल्ला प्राणप्रतिष्ठा सोहळ्याचा दौरा निश्चित होता. मात्र तत्पूर्वीच त्यांनी २० जानेवारीला रात्री उशिराने आपण अयोध्येला प्राणप्रतिष्ठा सोहळ्यासाठी जाणार नसल्याचे जाहीर केले होते. त्याचवेळी त्यांनी लवकरच आयोध्या दौऱ्याबाबतची तारीख जाहीर करू असंही म्हटलं होतं. त्यानंतर आता प्राणप्रतिष्ठा सोहळा झाल्यानंतर शिंदे यांनी आपला दौरा निश्चित केला आहे.
Maharashtra CM Eknath Shinde along with Deputy CMs Devendra Fadnavis and Ajit Pawar and their cabinet colleagues to visit Ayodhya Ram Temple in the first week of February
(file photos) pic.twitter.com/gYBjhHPukc
— ANI (@ANI) January 24, 2024
या दौऱ्याची तारीख जाहीर करण्यात आली नसली तरी तो फेब्रुवारी महिन्याच्या पहिल्या आठवड्यात होण्याची शक्यता आहे. १ फेब्रुवारीला केंद्रीय अर्थसंकल्प जाहीर झाल्यानंतर मुख्यमंत्री एकनाथ शिंदे उपमुख्यमंत्री देवेंद्र फडणवीस व अजित पवार यांच्यासह मंत्र्यांना घेऊन आयोध्याला जाणार आहे.
