दि. १२ मार्च, संगमनेर
जानेवारी-फेब्रुवारी महिन्यातील संजय गांधी निराधार अनुदान योजनेतील लाभार्थ्यांच्या बँक खात्यावर ३ कोटी १५ लाख ८ हजार १०० रुपये वर्ग करण्यात आल्याची माहिती योजनेचे अध्यक्ष अमोल खताळ यांनी दिली.
सरकारच्या माध्यमातून सर्वसाधारण तसेच अनुसूचित जाती, अनुसूचित जमाती वर्गासाठी विविध योजना राबविल्या जातात. यात संजय गांधी निराधार योजना, श्रावणबाळ सेवा राज्य निवृत्ती वेतन योजना, इंदिरा गांधी राष्ट्रीय वृध्दापकाळ योजना, इंदिरा गांधी राष्ट्रीय विधवा निवृत्ती वेतन योजना, इंदिरा गांधी राष्ट्रीय दिव्यांग निवृत्ती वेतन योजना, राष्ट्रीय कुटूंब लाभ योजना अशा योजनांचा समावेश आहे.
जानेवारी व फेब्रुवारी २०२४ चे संजय गांधी निराधार अनुदान योजने अंतर्गत सर्वसाधारण ५२४८ लाभार्थ्याना १ कोटी ५५ लाख ७३ हजार रुपये, अनुसूचित जातीतील ५६० लाभार्थ्याना ८ लाख ३२ हजार ५०० रुपये, अनुसूचित जमातीतील २२८ लाभार्थ्यांना ३ लाख ३९ हजार रुपये, श्रावणबाळ गट ब सेवा राज्य निवृत्ती वेतन योजनेत सर्वसाधारण ५३४६ लाभार्थ्यांना ८० लाख १९ हजार रुपये, अनुसूचित जातीतील ७०१ लाभार्थ्यांना १० लाख ५१ हजार ५०० रुपये, माहे फेब्रुवारी २०२४ चे श्रावणबाळ गट ब सेवा राज्य निवृत्ती वेतन योजना अनुसूचित जमातीतील ३२५ लाभार्थ्यांना ४ लाख ८७ हजार ५०० रुपये.
फेब्रुवारी २०२४ चे श्रावणबाळ गट अ सेवा राज्य निवृत्ती वेतन योजनेतील ४०५३ लाभार्थ्यांना ५२ लाख ३५ हजार ६०० रुपये अनुदान असे एकूण ३ कोटी १५ लाख ८ हजार १०० रुपये लाभार्थ्यांच्या बँक खात्यावर वर्ग करणेत आले असल्याचे खताळ यांनी म्हटले आहे.
संजय गांधी निराधार योजने अंतर्गत ३ कोटी रुपये लाभार्थ्यांच्या बँक खात्यात
