दि. १२ मार्च, संगमनेर
शहरालगत असलेल्या लक्ष्मी नगरमध्ये मध्यरात्री साडेबारा वाजण्याच्या सुमारास जमावाने दोन जणांना शस्त्रांसह बेदम मारहाण केल्याचा प्रकार समोर आला. याप्रकरणी जखमीच्या जबाबावरून शहर पोलिसांनी गुन्हा दाखल करून पाच जणांना अटक केली. अटक केलेल्या आरोपींना न्यायालयासमोर हजर केले असता तीन दिवसांची पोलीस कोठडी देण्यात आली आहे.
जमावाच्या मारहाणीत हुसेन बाबामियां शेख (रा. मालदाड रोड, तिरंगा चौक, संगमनेर) हा गंभीर जखमी झाला आहे.
या संदर्भात मिळाली माहिती अशी, मित्राला होत असलेली मारहाण पाहून त्याला वाचवण्यासाठी हुसेन शेख मदतीला गेला आणि भांडणांमध्ये मध्यस्थी करू लागल्याने जमलेल्या तरुणांच्या जमावाने त्यालाही मारण्यास सुरुवात केली. तसेच या बेदम मारहाणीत त्याच्यावर कोयत्याने वार करीत काठ्या व दगडांनी जोरदार प्रहार करून त्यास जिवे मारण्याचा प्रयत्न केला. या मारहाणीमुळे हुसेन शेख हा गंभीर जखमी झाला आहे.
संगमनेर शहर पोलिसांनी शेख याच्या जबाबानंतर गोटया उर्फ प्रशांत घेगडमल (रा. कासारवाडी) सनी चंद्रशेखर तरटे (रा. गोल्डन सिटी) अविनाश सोमनाथ मंडलिक (रा. ढोलेवाडी) प्रथमेश अशोक पावडे (रा. नवीन नगर रोड) सौरभ राजेंद्र फटांगरे (रा. इंदिरानगर) निलेश काथे, अविनाश काथे साहिल देव्हारे, ओम काथे, अरबाज पठाण ऋषी धिमते (सर्व रा. संगमनेर) यांच्याविरुद्ध गुन्हा दाखल केला आहे.
यातील प्रथमेश पावडे, सौरभ फटांगरे, सनी तरटे, अविनाश मंडलिक व गोट्या उर्फ प्रशांत घेगडमल या पाच आरोपींना पोलिसांनी पहाटेचे अटक केली आहे. सहाय्यक पोलीस निरीक्षक विश्वास भान्सी पुढील तपास करत आहे.
