दि. १६ मार्च, पुणे – संगमनेर
पतीच्या १ कोटीच्या टर्म इन्शुरन्ससाठी पत्नीने तिच्या सैन्य दलातील प्रियकराच्या मदतीने पतीची हत्या केल्याचा धक्कादायक प्रकार समोर आला आहे. याप्रकरणी पोलिसांनी पत्नीसह तिघांना अटक केली असून अटकेत संगमनेरमधील आरोपींचा समावेश आहे.
पुणे जिल्ह्यातील आळंदी पोलीस ठाण्याच्या हद्दीत असलेल्या चिंबळी येथे ही दुर्दैवी घटना घडली. राहुल सुदाम गाडेकर असं हत्या झालेल्या ३६ वर्षीय तरुणाचं नाव आहे. याप्रकरणी पिंपरी चिंचवड शहर पोलिसांच्या गुंडा विरोधी पथकाने पत्नी सुप्रिया राहुल गाडेकर, भारतीय सैन्य दलातील तिचा प्रियकर सुरेश मोटाभाऊ पाटोळे तसेच त्याचा सहकारी रोहिदास नामदेव सोनवणे अशा तीन जणांना अटक केली आहे.
मिळालेल्या माहितीनुसार, मृत राहुल गाडेकर याची पत्नी सुप्रिया गाडेकर हिने संगमनेर तालुक्यातील एका गावामध्ये कोरोना काळात लॅब सुरू केली होती ही लॅब चालवत असताना तिचे भारतीय सैन्य दलातील सुरेश मोटाभाऊ पाटोळे याच्याशी विवाहबाह्य प्रेम संबंध जुळले होते. याची माहिती पती राहुल गाडेकर याला झाल्याने दोघा नवरा बायको मध्ये सातत्याने भांडणे होत असत.
त्यामुळे सुप्रिया हिने प्रियकर आणि त्याच्या मित्राच्या मदतीने पतीचा खून करण्याचा कट रचला होता. राहुल गाडेकर यांनी स्वतःचा एक कोटी रुपयाचा टर्म इन्शुरन्स काढल्याची माहिती राहुलची पत्नी आणि तिच्या प्रियकराला होती. राहुल गाडेकर चा मृत्यू झाल्यानंतर सुप्रिया त्याच्या मिळणाऱ्या विम्याच्या रकमेतील अर्धे पैसे सुरेश पाटोळे आणि रोहिदास घाडगे यांना देणार होती.
राहुल गाडेकर हा चाकण येथील आपल्या कंपनीत कामावर जात असताना पाठीमागून आलेल्या सुरेश पाटोळे आणि रोहिदास घाडगे यांनी त्याच्यावर लोखंडी हातोड्याने वार करून त्याचे हत्या केली होती. त्यानंतर आरोपी सुरेश पाटोळे हा त्याच्या नोकरीसाठी हैदराबाद येथील सैन्य दलाच्या प्रशिक्षण केंद्रात रुजू झाला होता. तर दुसरा रुपये रोहिदास घाडगे हा त्याच्या संगमनेर तालुक्यातील गावी निघून आला होता. पोलिसांनी या खून प्रकरणाचा उलगडा करत ती घाई आरोपींना अटक केली आहे.
