बुधवार दि. २७ मार्च, मुंबई
लोकसभा निवडणुकीसाठी शिवसेनेने आपल्या सतरा उमेदवारांची पहिली यादी जाहीर केली आहे. या यादीत मुंबईतील उमेदवारांसह राज्यातील उमेदवार जाहीर करण्यात आल्याने या जागा शिवसेना उद्योग बाळासाहेब ठाकरे गटाच्या वाट्याला आल्याचे स्पष्ट झाले आहे. शिर्डीतून शिवसेनेने माजी खासदार भाऊसाहेब वाकचौरे यांना पुन्हा उमेदवारी दिली आहे.
२००९ च्या निवडणुकीत शिवसेनेकडून खासदार झालेल्या वाकचौरे यांनी शिवसेनेचे गद्दारी करत २०१४ च्या लोकसभा निवडणुकीत काँग्रेसकडून उमेदवारी केली होती. वाकचौरे यांच्या गद्दारीचे पडसाद त्यावेळी शिर्डी लोकसभा मतदारसंघात उमटले होते परिणामी अवघ्या १७ दिवसात या मतदारसंघाचे खासदार होण्याची संधी शिवसेनेचे तत्कालीन उमेदवार सदाशिव लोखंडे यांना मिळाली होती. मधल्या काळात वाकचौरे यांनी भाजपचे कमळदेखील हाती घेत श्रीरामपूरमधून विधानसभा निवडणूक लढवली. एकदा अपक्ष म्हणून मैदानात उतरत पुन्हा नशीब आजमावले मात्र २००९ चा अपवाद वगळता त्यांना एकदाही यश आले नाही.
वाकचौरे यांनी काही दिवसांपूर्वी पुन्हा मातोश्रीवर जात शिवसेनेचे धनुष्यबाण हाती घेतले. मात्र शिर्डी लोकसभा मतदारसंघातून त्यांच्या उमेदवारीला मोठा विरोध असताना देखील पक्षाने त्यांना पुन्हा एकदा उमेदवारी दिली आहे. त्यामुळे या मतदारसंघात आता वाकचौरे यांची लढत कोणाशी होते हे लवकरच स्पष्ट होईल.
शिवसेना नेते खासदार संजय राऊत यांनी आपल्या X हँडलवर जाहीर झालेल्या उमेदवारांची यादी दिली आहे. यात बुलढाणा, यवतमाळ-वाशिम, सांगली, हिंगोली, संभाजीनगर, धाराशिव, शिर्डी, नाशिक, रायगड, सिंधुदुर्ग, परभणी, ठाण्यासह मुंबई ईशान्य, मुंबई दक्षिण, मुंबई दक्षिण मध्य मतदारसंघातील उमेदवारांचा समावेश आहे.
शिवसेना- उद्धव बाळासाहेब ठाकरे गटाचे लोकसभेचे उमेदवार – —
- बुलढाणा – प्रा. नरेंद्र खेडेकर
- यवतमाळ-वाशिम – संजय देशमुख
- मावळ – संजोग वाघेरे पाटील
- सांगली – चंद्रहार पाटील
- हिंगोली – नागेश पाटील आष्टीकर
- संभाजीनगर – चंद्रकांत खैरे
- धाराशीव – ओमराजे निंबाळकर
- शिर्डी – भाऊसाहेब वाकचौरे
- नाशिक – राजाभाऊ वाजे
- रायगड – अनंत गीते
- सिंधुदुर्ग-रत्नागिरी – विनायक राऊत
- ठाणे – राजन विचारे
- मुंबई ईशान्य – संजय दिना पाटील
- मुंबई दक्षिण – अरविंद सावंत
- मुंबई वायव्य – अमोल कीर्तिकर
- मुंबई दक्षिण मध्य – अनिल देसाई
- परभणी – संजय जाधव
हिंदूहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने आणि शिवसेना पक्ष प्रमुख श्री.उद्धवजी ठाकरे यांच्या आदेशाने शिवसेनेच्या 17 लोकसभा उमेदवारांची यादी जाहीर करण्यास येत आहे..
*मुंबई दक्षिण मध्य:श्री अनिल देसाई यांच्या उमेदवारीची घोषणा करण्यात येत आहे.
इतर 16 उमेदवार… pic.twitter.com/nPg2RHimSF— Sanjay Raut (@rautsanjay61) March 27, 2024
