गुरुवार दि. २८ मार्च, मुंबई
लोकसभा निवडणुकीचा पारा तापू लागला आहे. भारतीय जनता पक्षाने मुख्यमंत्री एकनाथ शिंदे उपमुख्यमंत्री अजित पवार यांचा समावेश असलेली चाळीस स्टार प्रचारकांची यादी जाहीर केल्यानंतर आता त्या पाठोपाठ मुख्यमंत्री शिंदे गटानेही त्यांची यादी जाहीर केली आहे. त्यांच्या यादीत देखील चाळीस स्टार प्रचारकांचा समावेश असून राहुल शेवाळे यांना या यादीतून वगळण्यात आले आहे. शेवाळे यांचे यादीत नाव नसल्याने विविध चर्चा सुरू झाल्या आहे.
एकीकडे उन्हाचा तडाखा वाढू लागला असताना आता दुसरीकडे लोकसभेचे रणांगणही तापू लागले आहे. सर्वच पक्षांकडून आपले उमेदवार जाहीर केले जात असताना आता त्यांच्या विजयाची जबाबदारी देखील स्टार प्रचारकांवर सोपविण्यात आली आहे.
मुख्यमंत्री शिंदे यांच्या शिवसेनेचे हे आहेत स्टार प्रचारक…
पंतप्रधान नरेंद्र मोदी, केंद्रीय मंत्री अमित शहा, मुख्यमंत्री एकनाथ शिंदे, भाजपचे अध्यक्ष जे. पी. नड्डा, केंद्रीय मंत्री नितीन गडकरी, केंद्रीय मंत्री रामदास आठवले यांच्यासह दोन्ही उपमुख्यमंत्री अनुक्रमे देवेंद्र फडणवीस व अजित पवार, रासप अध्यक्ष महादेव जानकर, जोगेंद्र कवाडे, शिवसेना नेते रामदास कदम, गजानन कीर्तिकर, आनंदराव अडसूळ, भाजपचे प्रदेशाध्यक्ष चंद्रशेखर बावनकुळे, पार्लमेंट सदस्य मिलिंद देवरा व प्रफुल्ल पटेल, मंत्री गुलाबराव पाटील, शिवसेना नेत्या नीलम गोऱ्हे व मीना कांबळी, खासदार श्रीकांत शिंदे, मंत्री उदय सामंत, शंभूराजे देसाई, दीपक केसरकर, अब्दुल सत्तार, तानाजी सावंत, संदिपान भुमरे, दादा भुसे व संजय राठोड, आमदार भरत गोगावले, दीपक सावंत, संजय गायकवाड, संजय शिरसाट, शहाजी बापू पाटील, मनीषा कायंदे, नरेश म्हस्के, ज्योती वाघमारे, राहुल लोंढे, कृपाल तुमाने, आशिष जयस्वाल व किरण पांडव.
लोकसभा निवडणुकीसाठी शिवसेनेच्या स्टार प्रचारकांची यादी !#Eknathshinde #shivsena #LokSabhaElection2024 pic.twitter.com/GOj3eoQDed
— Shivsena – शिवसेना (@Shivsenaofc) March 27, 2024
