गुरुवार, दि. ११ एप्रिल
सद्यस्थितीत सुरू असलेली लोकसभा निवडणूक प्रक्रिया, त्या अनुषंगाने लागू असलेली आचारसंहिता, या दरम्यान येणारे विविध सण उत्सव शांततेत पार पडावेत, आचार संहिता उल्लंगणाच्या दृष्टीने कोणताही गैरप्रकार होऊ नये यासाठी संगमनेर उपविभागात असलेल्या संगमनेर-अकोले तालुक्यातील विविध पोलीस ठाण्याच्या हद्दीतील २३ लोकांना संगमनेर अकोले तालुक्याच्या स्थळ सीमा हद्दीमध्ये प्रवेशास बंदी करण्यात आली आहे, अशी माहिती संगमनेरचे पोलीस उपाधीक्षक सोमनाथ वाघचौरे यांनी दिली.
संगमनेर शहर पोलीस ठाणे, संगमनेर तालुका पोलीस ठाणे, आश्वी पोलीस ठाणे, घारगाव पोलीस ठाणे, राजुर पोलीस ठाणे व अकोले पोलीस ठाण्याच्या हद्दीतील ज्या व्यक्तींवर गंभीर स्वरूपाचे गुन्हे दाखल आहेत, त्याचप्रमाणे सामाजिक शांतता भंग करण्यासंबंधाने गुन्हे ज्या लोकांवर दाखल आहेत अशा ४६ लोकांविरुद्ध संगमनेर व अकोले तालुका प्रवेश बंदीचे प्रस्ताव सीआरपीसी १४४ खाली पोलीस उपअधीक्षकांकडे दाखल करण्यात आले होते.
यातील २३ लोकांना २४ एप्रिल पर्यंत तालुका प्रवेश बंदीचे प्रस्ताव मंजूर करण्यात आले असून उर्वरित २३ जणांच्या प्रस्तावावर निर्णय लवकरच अपेक्षित आहे. पहिल्या टप्प्यात मंजूर करण्यात आलेल्या २३ लोकांविरुद्ध कारवाईला संबंधित पोलीस ठाण्यांकडून सुरुवात करण्यात आली असल्याची माहिती देण्यात आली आहे.
सध्या लोकसभा निवडणुकीचे पडघम सुरू आहे. या पार्श्वभूमीवर देशभरात आचारसंहिता देखील लागू करण्यात आली आहे. निवडणूक आचारसंहिता, रमजान ईद, डॉ. बाबासाहेब आंबेडकर जयंती, रामनवमी, हनुमान जयंती आदी सणांच्या पार्श्वभूमीवर प्रशासनाकडून ही कारवाई करण्यात आली आहे. प्रवेश बंदीच्या कालावधीत संबंधित लोक संगमनेर अथवा अकोले तालुका अध्यक्ष दिसून आल्यास नागरिकांनी संबंधित पोलीस ठाण्यात माहिती देण्याचे आवाहन करण्यात आले असून प्रवेश बंदी करण्यात पकडलेल्या लोकांवरच्या गुन्हे दाखल करण्यात येणार आहे. असे देखील डीवायएसपी वाघचौरे यांनी सांगितले.
पहिल्या टप्प्यातील या २३ लोकांचा आहे तालुका प्रवेश बंदीत समावेश…
- संदीप उर्फ जब्या संजय वाल्हेकर (रा. अकोले रोड, संगमनेर)
- इस्माईल निसार पठाण (रा. नाईकवाडपुरा, संगमनेर)
- हुजेब शब्बीर शेख (रा. नाईकवाडपुरा, संगमनेर),
- अरबाज करीम शेख (रा. रहेमतनगर, संगमनेर),
- नईम कादर शेख (रा. उन्मतनगर, संगमनेर),
- शुभम हिरामण शिंदे (रा. शिवाजीनगर संगमनेर),
- कासिम असद कुरेशी (रा. भारत नगर संगमनेर),
- धीरज राजेंद्र पावडे (रा. इंदिरानगर संगमनेर),
- इम्रान उस्मान पठाण (रा. अकोले नाका संगमनेर),
- सुहास भाऊसाहेब पुंडे (रा. ढोकरी अकोले),
- विशाल लक्ष्मण डगळे (रा. खिरविरे, अकोले),
- लक्ष्मण ज्ञानदेव डगळे (रा. खिरविरे, अकोले),
- अण्णासाहेब सुधाकर वाकचौरे रा. कळस खुर्द अकोले),
- दौलत साहेबराव महाले (रा. बेलापूर अकोले),
- खंडू दादाभाऊ करवर (रा. ढोकरी अकोले),
- मनोज शिवाजी काकड (रा. जोर्वे संगमनेर),
- मयूर राघू दिघे (रा. जोर्वे संगमनेर),
- प्रसाद दिलीप काकड (रा. जोर्वे संगमनेर),
- कृष्णा विलास इंगळे (रा. जोर्वे संगमनेर),
- दत्तात्रेय संपत थोरात (रा. वडगाव पान संगमनेर),
- सत्यम भाऊसाहेब थोरात (रा. वडगाव पान संगमनेर),
- अब्दुल गफार पठाण (रा. बोटा, संगमनेर),
- मोईन हनीफ कुरेशी (रा. माळवदवाडी संगमनेर)
