रविवार, दि. २ जून
भाजप खासदार रामकृपाल यादव यांच्या ताफ्यावर गोळीबार करण्यात आल्याची घटना बिहारमध्ये घडली आहे. शनिवारी संध्याकाळी झालेल्या या गोळीबारातून खासदार यादव सुखरूप बचावले आहेत.
पाटलीपुत्र लोकसभा मतदारसंघाचे भाजप उमेदवार व विद्यमान खासदार रामकृपा यादव यांच्यातर्फेवर गोळीबार करण्यात आल्याची घटना मसौढी येथील कणेरी परिसरात घडली. घटनेची माहिती मिळतात पोलीस घटनास्थळी दाखल झाले असून तपासाला सुरुवात झाली आहे.
पाटलीपुत्र लोकसभा मतदारसंघात विद्यमान खासदार रामकृपाल यादव व बिहारचे माजी मुख्यमंत्री लालूप्रसाद यादव आणि राबडीदेवी यांच्या कन्या मिसा भारती यांच्यात लढत झाली. गतवेळच्या निवडणुकीत यादव यांनी मिसा भारती यांचा पराभव केला होता.
दरम्यान या प्रकरणी एसआयटीकडे तपास सोपविण्यात आला असून एसआयटीने विकास यादव नावाच्या एका संशयित आरोपीला अटक केली आहे. खासदार यादव यांच्या तक्रारीवरून पोलीस ठाण्यात दाखल करण्यात आलेल्या गुन्ह्यात नऊ जणांना आरोपी करण्यात आले आहे.
मिळालेल्या माहितीनुसार अखिलेश यादव, सुरज यादव, बिट्टू यादव, विकास यादव, गौतम यादव, आदित्य यादव, सत्येंद्र यादव, सागर यादव, सोनटी यादव हे नऊ जण कृपाल यांच्या ताब्यावर हल्ला करताना उपस्थित होते. त्यामुळे पोलिसांनी अटक केलेला आरोपी विकास यादव यांच्याकडे चौकशी सुरू केली आहे.
राजद आमदारावर गंभीर आरोप…
खासदार रामकृपाल यादव यांनी आरजेडी आमदार रेखा देवी यांच्यावर आरोप केला आहे की, रेखादेवी मतदानादरम्यान बोथच्या आत गेल्या होत्या हे आदर्श निवडणूक आचारसंहितेचे उल्लंघन आहे. याप्रकरणी मी पाटणा जिल्हा दंडाधिकारी कपिल अशोक यांच्याकडे तक्रार केली आहे. दरम्यान यादव यांच्यावरील हल्ल्यासाठी भाजपने राजदला जबाबदार धरले आहे.
