सोमवार २२ जुलै
गुरुपौर्णिमा म्हणजे आपल्या मार्गदर्शक, तत्वज्ञ, पाठीराख्यांचा विषयी कृतज्ञता व्यक्त करण्याचा दिवस असतो. गुरुचरणी आपली श्रद्धा लीन करून पुढील आयुष्य सुखकारक व्हावे ह्या आशिर्वादासह शिष्य गुरुचरणी प्रार्थना करतात.
गुरुपौर्णिमेच्या दिवशी गुरुंची म्हणजे अध्यात्मिक अधिष्ठान असलेल्या व्यक्तिमत्त्वाचे पूजन बऱ्याचदा केले जाते. आई-वडील यांच्यानंतर आपण आयुष्याचे गुरु मानत असलेले गुरुचरण हे अकलापूर येथील स्वयंभू श्री. दत्तमहाराज व त्यांच्यानंतर राजकीय गुरु म्हणून आमदार सत्यजीत तांबे यांची मोलाची भूमिका असल्याचा विचार संगमनेर तालुका विद्यार्थी कांग्रेसचे अध्यक्ष गौरव डोंगरे हे मानतात.
आमदार सत्यजीत तांबे हे विधानपरिषदेवर निवडून यावेत यासाठी गौरव डोंगरे यांनी मतदानावेळी अकलापूर येथील जागृत दत्त देवस्थानाला अभिषेक करुन नवस केला होता. काल योगायोगाने गुरुपौर्णिमेच्या पवित्र दिवशी संगमनेर तालुक्याचे लोकनेते आमदार बाळासाहेब थोरात यांच्या उपस्थितीत गौरव डोंगरे यांनी आमदार सत्यजीत तांबे यांची पेढेतुला करून आपल्या नवसाची पूर्तता करत राजकीय गुरु असलेल्या सत्यजीत तांबे यांना अनोखी गुरुदक्षिणा दिली.
गौरव डोंगरे हे विद्यार्थी दशेपासून काँग्रेसच्या विविध चळवळीतून पुढे येत आमदार बाळासाहेब थोरात व आमदार सत्यजीत तांबे यांचे खंदे समर्थक म्हणून तालुक्यात काम करत आहेत. गेले अनेक दिवसांपासुन बोटा गटात देखील त्यांनी जनसंपर्क वाढवला असुन बोटा गटात शब्दाला जागणारे, सुसंस्कृत युवानेतृत्व म्हणून त्यांच्याकडे पाहिले जात असुन बऱ्याचदा आगामी जिल्हा परिषदेच्या आखाड्यात देखील ते उतरु शकतात अशी चर्चा येथील नागरिकांकडुन होत असते.
गौरव डोंगरे यांनी गुरुपौर्णिमा अनोख्या पद्धतीने साजरी केली असून तालुक्यात सर्वत्र चर्चेचा विषय ठरत आहे.
गुरुपौर्णिमेच्या दिवशी आपले अध्यात्मिक गुरु श्री. दत्त महाराज यांच्या पावनभुमीत आपले राजकीय गुरु आमदार सत्यजीत तांबे व आधारस्तंभ असलेले आमदार बाळासाहेब थोरात हे एकत्र येणे हे आपल्या प्रामाणिक निष्ठेचे फळ असल्याचे गौरव डोंगरे यांनी सांगितले आहे.
यावेळी अहमदनगर जिल्हा सहकारी बॅंकेचे संचालक अमित भांगरे, मार्केट कमिटीचे संचालक सुरेशशेठ कान्होरे, राजहंस दुध संघाचे संचालक बबनराव कुऱ्हाडे, अकलापुर गावचे सरपंच अरुणशेठ वाघ, सुहास वाळुंज, संपत आभाळे, लहु आभाळे, नवनाथ आहेर, रमेश गपले, अक्षय ढोकरे, बाळासाहेब कुऱ्हाडे, प्रमोद कुरकुटे यांच्यासह अकलापुर व पंचक्रोशीतील ग्रामस्थ मोठ्या संख्येने उपस्थित होते.
