मंगळवार, ०६ ऑगस्ट
दोन सख्या अल्पवयीन बहिणींना कळवण्यात त्यांच्यावर अल्पवयीन साथीदारांच्या मदतीने सामूहिक बलात्कार केल्याप्रकरणी आरोपीला पुण्याच्या अतिरिक्त सत्र न्यायाधीशांनी २५ वर्ष सक्तमजुरी आणि साडेसात हजार रुपये दंडाची शिक्षा ठोठावली आहे.
धनंजय सखाराम राजीवडे असे शिक्षा झालेल्या आरोपीचे नाव असून पुण्याच्या वारजे येथे ४ आणि ५ एप्रिल २०१५ रोजी घडलेल्या या या प्रकाराशी संबंधित खटल्याची सुनावणी अतिरिक्त सत्र न्यायाधीश या साळुंखे यांच्या न्यायालयासमोर सुरू होती.
पीडित अल्पवयीन बहिणी वारजे येथे राहणाऱ्या मामाकडे आल्या होत्या. त्यावेळी आरोपी धनंजय राजीवडे त्याने दोन अल्पवयीन मुलांची मदत घेत त्यांच्या मदतीने या १४ आणि १६ वर्षे वयाच्या बहिणींसोबत लग्न करतो असे आमिष दाखवत त्यांना प्रेमाच्या जाळ्यात ओढले होते. लग्न करण्याचे आमिष दाखवून त्यांना दुचाकीवरून पळवून नेण्यात आले. तसेच या मुलींच्या वडील आणि चुलत्याला जीवे मारण्याची धमकी देण्यात आली.
आरोपींनी दोन्ही मुलींना पुणे आणि सोलापूर जिल्ह्यातील विविध गावांमध्ये नेले. तेथे आरोपी आणि त्याच्या दोन्ही अल्पवयीन साथिदारांनी या मुलींवर बलात्कार केल्याचे फिर्यादीमध्ये नमूद करण्यात आले होते. याप्रकरणी पोलीस ठाण्यात राजीवडे याच्यासह दोन्ही अल्पवयीन मुलांवर गुन्हा दाखल करण्यात आला होता. पोलिसांनी या प्रकरणी तपास करत न्यायालयात आरोपी विरोधात आरोपपत्र दाखल केले होते.
सरकार पक्षातर्फे विशेष सरकारी वकील नितीन कोंघे यांनी काम करत या खटल्यात ११ साक्षीदार तपासले. खटल्यात दोन्ही मुलींची साक्ष महत्त्वाची ठरली. न्यायाधीश एस आर साळुंखे यांनी सरकारी पक्ष आणि आरोपीच्या वकिलांचा युक्तिवाद ऐकल्यानंतर सरकार पक्षाचा युक्तीवाद ग्राह्य मानत आरोपीला २५ वर्ष सक्तमजुरीची शिक्षा सुनावली. तसेच दंडाची रक्कम न भरल्यास अतिरिक्त कारावास भोगावा लागेल, असे निकालात नमूद केले आहे.
